جاسىراتىنى جوق سوڭعى كەزدەرى وڭىردە كوكنار, سورا وسىمدىكتەرىن اۋلاسىندا وسىرۋشىلەر كوبەيىپ كەلەدى. وتكەن ايدا شاردارالىق تۇرعىننىڭ اۋلاسىنان 62 كەلى كوكنار تاركىلەنگەن بولاتىن. كەلەستىك تۇرعىن ول كورسەتكىشتى ەسەلەپ وتىر. ەگدە جاستاعى ەر ادام ءوز اۋلاسىندا قۇرامىندا ەسىرتكىسى بار وسىمدىك تۇپتەرىن كوپ مولشەردە وسىرگەن. كەلەس اۋدانى تۇرعىنىنىڭ ءۇيىن ءتىنتۋ كەزىندە جەدەل ۋاكىلدەر كوكنار تارىزدەس 4730 ءتۇپ ەسىرتكى وسىمدىگىن تاركىلەدى. ساراپتاماعا سايكەس, قۇرامىندا ەسىرتكى بار كوكنار تۇپتەرىنىڭ جالپى سالماعى 205 كەلىدەن استى, ال كەپتىرىلگەن كوكناردىڭ سالماعى 12,5 كەلىگە جۋىقتادى. اتالعان جايت كەلەس اپب سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 300-بابىنىڭ 2-بولىگى (قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ) بويىنشا تىركەلگەن. كۇدىكتى قاماۋعا الىندى.
قازىرگى تاڭدا پوليتسيا قىزمەتكەرلەرى سوتقا دەيىنگى تەرگەۋ امالدارىن جۇرگىزىپ, كۇدىكتىنىڭ قۇرامىندا ەسىرتكىسى بار وسىمدىكتەردى نە سەبەپپەن ءوسىرىپ, ساقتاعانىن انىقتاۋدا. سونداي-اق ءتارتىپ ساقشىلارى اتالعان باپتىڭ سانكتسيالارى ءۇش جىلدان سەگىز جىلعا دەيىنگى مەرزىمگە باس بوستاندىعىنان ايىرۋدى قاراستىراتىنىن ەسكەرتەدى.
تۇركىستان وبلىسى
