كۋرس بارىسىندا اۋدارما تەورياسى, جازباشا اۋدارما مەن اۋىزشا اۋدارمانىڭ ەرەكشەلىكتەرى, ىلەسپە اۋدارماشىعا قاجەتتى بازالىق گرامماتيكالىق جانە فرازەولوگيالىق ۇلگىلەرى, سوزدىك قوردى بايىتۋ جۇمىستارى بويىنشا دارىستەر وقىلدى.
سونىمەن قاتار اۋدارماشى ماماندارعا اۋدارما تەورياسى مەن پراكتيكاسى, اۋدارماتانۋدىڭ وزەكتى ماسەلەلەرى شەڭبەرىندە وقۋ-ادىستەمەلىك كومەك كورسەتىلىپ, اۋدارما سالاسىنداعى عالىم ماماندار وزىق تاجىريبەسىمەن ءبولىستى.
ورتالىق جانە جەرگىلىكتى اتقارۋشى ورگاندارىنىڭ سالا ماماندارى قاتىسقان كۋرستى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى اۋدارما تەورياسى مەن پراكتيكاسى كافەدراسىنىڭ دوتسەنتى, PhD دوكتورى اقنۇر مۇحيتقىزى تولەۋباەۆا جۇرگىزدى.
شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى الىبەك اسقار بۇعان دەيىن قازاق-ورىس, ورىس-قازاق تىلدەرىنە اۋدارۋشىلارعا ارنالعان كۋرستار ۇيىمداستىرىلسا, بۇل جولعى شارا, تۇڭعىش رەت مەملەكەتتىك ءتىلدىڭ مارتەبەسىن اسقاقتاتۋ ماقساتىندا قازاق-اعىلشىن اعىلشىن-قازاق تىلدەرى ماماندارىنا ارنالىپ وتىرعانىن ايتىپ, قاتىسۋشىلارعا بىلىكتىلىك سەرتيفيكاتىن تابىستادى.
«ماماندىقتىڭ مارتەبەسى دەگەن ۇعىم بار. سوڭعى ون جىلدىڭ ىشىندە وسى باعىتتا كوپتەگەن جۇمىستار جۇزەگە استى. بۇل شارا مەملەكەتتىك قامقورلىقتىڭ ناقتى كورىنىسى بولىپ تابىلادى. وتە جوعارى دەڭگەيدە ءوتتى, ۇيىمداستىرۋشىلارعا شىنايى ريزاشىلىعىمدى بىلدىرەمىن», - دەدى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى اۋدارما تەورياسى مەن پراكتيكاسى كافەدراسىنىڭ دوتسەنتى, PhD دوكتور اقنۇر تولەۋباەۆا.
