07.06.2020ج. ساعات 09:30 ۋاقىتى بويىنشا وبلىستا «Covid-19» ۆيرۋسى تاعى 2 ادامنان انىقتالدى. 2-ءۋى دە سيمپتومسىز, اعىمدى كوروناۆيرۋس جاعدايى بولىپ انىقتالدى. جۇقتىرعاندار قىزىلوردا قالاسىنىڭ تۇرعىندارى.
قازىرگى تاڭدا جيناقتالعان مالىمەتتەرگە سايكەس, كوروناۆيرۋس ينفەكتسياسىنىڭ تىركەلۋىنىڭ ەرەكشە ءتارتىبى ەنگىزىلدى.
«الداعى ۋاقىتتا ماۋسىم ايىنان باستاپ تىركەلگەن ناۋقاستاردى سيمپتومدى جانە سيمپتومسىز دەپ تىركەۋ قولعا الىندى. وسى ءتارتىپ بويىنشا وبلىسىمىزدا سيمپتومدى كوروناۆيرۋس ينفەكتسياسىنىڭ اعىمىمەن تىركەلگەن ناۋقاستار سانى - 461, سيمپتومسىز تىركەلگەندەردىڭ سانى 50 بولىپ ناقتىلاندى» دەپ حابارلادى ءباسپاسوز ماسليحاتىندا دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ.
بۇگىنگى كۇنگە وبلىستاعى ينفەكتسيالىق ستاتسيوناردا 127 ناۋقاس ەم الۋدا. ونىڭ ىشىندە 4 ناۋقاس جانساقتاۋ بولىمىندە. بىرەۋىنىڭ جاعدايى وتە اۋىر دەپ باعالانۋدا, يۆل اپپاراتىنا قوسىلعان. ۇشەۋىنىڭ جاعدايى اۋىر كۇيىندە قالۋدا.
سونداي-اق, ۆيرۋس جۇقتىرعاندارمەن بايلانىستا بولعان - 5152 ازامات انىقتالدى. ونىڭ ىشىندە, 2960 تىكەلەي قارىم-قاتىناستا بولسا, 2192 جاناما بايلانىستا بولعان.
تاۋلىگىنە الىنعان 969 تەست سىناماسىنىڭ 967-ءسى تەرىس ءماندى, 2-ءۋى وڭ ءماندى بولىپ شىقتى. قالعان سىنامالار تەكسەرىلۋ ۇستىندە.
«قۇرمەتتى وبلىس تۇرعىندارى, ستاتيستيكاعا سايكەس, ۆيرۋستىڭ جۇعۋ مۇمكىندىگى قارىم-قاتىناس ارقىلى بولىپ وتىر. ۆيرۋس اۋا تامشىلارى ارقىلى جۇعاتىن بولعاندىقتان, ول كوبىنە سۋلى اۋادا كوپ ساقتالادى. سوندىقتاندا ساقتىق شارالارىن قاتاڭ ساقتاپ, بەتپەردە كيۋدى جالعاستىرا بەرۋگە شاقىرامىز» دەلىنگەن حابارلامادا.
