ايماقتار • 06 ماۋسىم، 2020

نۇر-سۇلتاندا 10 جىلدان بەرى بوس جاتقان جەرگە گۇلزار سالىنۋدا

27 رەت كورسەتىلدى

اپاتتىق جاعدايداعى كۇرەلگەن ءۇيدىڭ 10 جىل بويى بوس جاتقان ورنىنا جاڭا گۇلزار سالىنىپ، اۋلا الاڭى اباتتاندىرىلۋدا. نۇر-سۇلتاننىڭ بارلىق اۋداندارىندا اۋلالار مەن اۋلاىشىلىك اۋماقتاردا اباتتاندىرۋ ءجۇرىپ جاتىر. بيىل 150-گە جۋىق اۋلا مەن 50 قوعامدىق كەڭىستىك (ساياباقتار مەن گۇلزارلار) اباتتاندىرىلادى. ەلوردا اكىمى التاي كولگىنوۆ بۇگىن بىرقاتار اۋلا مەن گۇلزارداعى جۇمىس بارىسىن ارالاپ كوردى.

كۇرەلگەن اپاتتىق جاعدايداعى ءۇيدىڭ ورنىندا (ەسەنبەرلين كوشەسى، 36 ءۇي) قازىر جاقىن ماڭايداعى ۇيلەردىڭ تۇرعىندارىنا ارناپ جاڭا اۋلا سالىنۋدا. الاڭ بىرنەشە ايماققا بولىنگەن: بالالارعا ارنالعان ويىن الاڭى، ميني-فۋتبول پەن باسكەتبول ءۇشىن سپورت الاڭى، جاتتىعۋ قۇرالدارى بار سپورت الاڭى، سونداي-اق مۇمكىندىگى شەكتەۋلى ازاماتتار ءۇشىن جانە سەرۋەندەيتىن جەر. بۇعان قوسا جوبادا كولىك تۇراعى ەسكەرىلگەن.

بۇعان دەيىن ارالاۋ كەزىندە جەڭىس داڭعىلىنىڭ تۇرعىندارى (جانگەلدين كوشەسىنىڭ قيىلىسى) بالالار الاڭى جوعىن ايتىپ، اۋماقتى اباتتاندىرۋ تۋرالى ماسەلە كوتەرگەن بولاتىن، قازىر وندا اۋلا مەن كولىك تۇراعى سالىنۋدا. 10 جىلدان بەرى بوس جاتقان جەردە (سارىارقا داڭعىلى، 23) جاقىن ارادا جاڭا گۇلزار پايدا بولادى.

ەلوردا اكىمى التاي كولگىنوۆ جۇمىستى ساپالى ىستەۋ كەرەگىن اتاپ ءوتتى.

«اۋلاىشىلىك اۋماقتار، بالالار الاڭى مەن گۇلزارلاردى ءبىز وسى اۋداندا تۇراتىن تۇرعىندار ءۇشىن، ۇلكەندەردىڭ دەمالاتىن، ال بالالاردىڭ وينايتىن جەرى بولۋى ءۇشىن ىستەپ جاتىرمىز. اۋلالاردى حالىقتىڭ پىكىرىن ەسكەرە وتىرىپ ابباتتاندىرۋ كەرەك. ول ءۇشىن بيىل قالانىڭ بارلىق اۋدانىندا «بيۋدجەتكە قاتىسۋ» باعدارلاماسى ىسكە قوسىلدى. تۇرعىندار قاي اۋلانى اباتتاندىرىپ، بالالار الاڭىنا نە ورناتۋ كەرەك ەكەنىن وزدەرى شەشەدى. الايدا تۇرعىندار ءوز اۋلالارىن كۇتىپ ۇستاۋ قاجەتىن ءتۇسىنۋى ءتيىس. كوگالداندىرۋ ماسەلەسىنە ەرەكشە كوڭىل بولەمىز. بيىل 30 مىڭ اعاش وتىرعىزامىز»، – دەدى ەلوردا اكىمى التاي كولگىنوۆ.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار