كەشەندە جالپى سانى 7 جارىم مىڭ ءىرى قارا ۇستاۋ كوزدەلىپ وتىر. قۇنى 3,6 ملرد تەڭگە بولاتىن اۋقىمدى جوبانىڭ ءبىرىنشى كەزەڭى بيىل قازان ايىنا دەيىن اياقتالماق. ال كەلەسى جىلى قۇرىلىس جۇمىستارى اياقتالىپ, كەشەن تولىقتاي ىسكە قوسىلادى.
سونداي-اق بيىل ارقالىقتا جاڭا ەلەۆاتور, قوسپاجەم زاۋىتى جانە ديىرمەن كەشەنى پايدالانۋعا بەرىلەدى. جوبانىڭ جالپى قۇنى - 2,5 ملرد تەڭگە. مۇنداعى قۇرىلىس جۇمىستارى بارىسىندا 80 جاڭا جۇمىس ورنى اشىلعان. ال قۇرىلىس اياقتالىپ, نىساندار ىسكە قوسىلسا, 45 ادامعا ارنالعان تۇراقتى جۇمىس ورنى پايدا بولماق.
ارقالىق وڭىرىنە جۇمىس ساپارىمەن بارعان ارحيمەد مۇحامبەتوۆ اتالعان نىسانداردى ارالاپ كورىپ, قۇرىلىس جۇمىستارىنىڭ بارىسىمەن تانىستى. سونىمەن قاتار, وبلىس اكىمى وڭىردەگى اۋىلشارۋاشىلىق تاۋارلارىن وندىرەتىن كاسىپورىن باسشىلارىمەن كەزدەستى.
قوستاناي وبلىسى
