ايماقتار • 05 ماۋسىم، 2020

ارحيمەد مۇحامبەتوۆ ارقالىققا جۇمىس ساپارىمەن باردى

167 رەت كورسەتىلدى

بيىل ارقالىق قالاسىنىڭ جىلۋ جۇيەسىنە كۇردەلى جوندەۋ جۇرگىزىلەدى. مۇنىڭ سىرتىندا، مەملەكەتتىك باعدارلاما بويىنشا ىسكە اسىرىلىپ جاتقان اۋقىمدى جوبالار قولعا الىنىپ، جاڭا جۇمىس ورىندارى اشىلىپ جاتىر. ارقالىق قالاسىنا جۇمىس ساپارىمەن بارعان ايماق باسشىسى الدىمەن شاعىن شاھارداعى جىلۋ ەنەرگەتيكالىق كومپانياسىندا بولدى.

بۇعان دەيىن قىستان مازۋتپەن شىعىپ كەلگەن ارقالىقتىڭ جىلۋ جۇيەسىن بىرتىندەپ كومىرگە كوشىرۋ ماقساتىندا بيۋدجەتتەن 7،4 ملن تەڭگە ءبولىنىپ، «ارقالىق قالاسىنىڭ جىلۋمەن جابدىقتاۋ جۇيەسىن 2030 جىلعا دەيىن قايتا جاڭارتۋ» جوباسى قولعا الىنعان. بۇگىندە جاڭا جىلۋ كوزىنىڭ قۇرىلىسى باستالىپ تا كەتتى. باس عيماراتتىڭ استىڭعى قاباتى توسەلىپ، تابانىنا بەتوندى-ەرىتىندى توراپ سالىندى. ەندى 3 بۋ قازاندىعى جانە  سۋمەن جىلىتاتىن 2 قازاندىق ورناتىلادى. نىساندى  ارالاپ كورگەن وبلىس اكىمى مەردىگەرگە قۇرىلىس-مونتاج جۇمىستارىن ۋاقتىلى اياقتاۋدى قاداپ تاپسىردى.

ودان كەيىن ا.مۇحامبەتوۆ «جۇمىسپەن قامتۋدىڭ جول كارتاسى-2020» باعدارلاماسى بويىنشا قولعا الىنىپ جاتقان جوبالار جايىمەن تانىستى. اتالمىش باعدارلاما بويىنشا ارقالىق وڭىرىندە جالپى قۇنى 1،1 ملرد تەڭگە بولاتىن 10 جوبانى جۇزەگە اسىرىلىپ، ناتيجەسىندە 250 جاڭا جۇمىس ورنى اشىلماق.

وبلىس اكىمى «جىگەر» ستاديونىنا، №2 ورتا مەكتەپ عيماراتى مەن دالا ولكەسى تاريحى مۋزەيىنە باردى. 1972 جىلى اشىلعان اتالمىش مۋزەيگە سوڭعى رەت 2016 جىلى جەڭىل-جەلپى جوندەۋ جۇرگىزىلگەن. بيىل 157،9 ملن تەڭگە قارجى ءبولىنىپ، مادەني نىسانعا تولىقتاي كۇردەلى جوندەۋدەن وتپەك. سونىڭ ارقاسىندا 40 ادام جۇمىسپەن قامتىلىپ وتىر.  

پ

«جىگەر» ستاديونىنا «اليۋميني قۇرىلىس» جشس-ءى كۇردەلى جوندەۋ جۇرگىزىپ جاتىر. جوبانىڭ قۇنى – 58،1 ملن تەڭگە.  قازىر سپورت زالى  وزگەرتىلىپ، جاڭا كەيىپكە ەنبەك. ەڭبەكپەن قامتۋ ورتالىعى ارقىلى 8 ادام جۇمىس  وسى جەردەن جۇمىس تاۋىپتى.  سەرىكتەستىك جۇمىستى شىلدە ايىندا اياقتاۋدى كوزدەپ وتىر.

ال ورتا ءبىلىم بەرەتىن  №2 مەكتەپ عيماراتىنا جۇرگىزىلىپ جاتقان كۇردەلى جوندەۋگە 365،2 ملن تەڭگە بولىنگەن. مەردىگەر اكىمگە مەكتەپتى جاڭا وقۋ جىلى باستالعانشا تاپسىرامىن دەگەن ۋادەسىن بەردى.

رو

جۇمىس ساپارىنىڭ ەكىنشى كۇنى ايماق باسشىسى تاياۋدا عانا جۇمىس ىستەي باستاعان «ارقالىق – كومەك الاڭى» فرونت-كەڭسەسىنە باس سۇقتى. بۇل وبلىستا اشىلعان 20-شى كومەك الاڭى. حالىق ۇنىنە قۇلاق اساتىن مەملەكەت تۇجىرىمداماسىنىڭ جۇزەگە اسۋىن ىلگەرىلەتە تۇسەتىن مۇنداي كەڭسەلەردىڭ سانى جاعىنان  قوستاناي وبلىسى رەسپۋبليكا بويىنشا كوش باستاپ كەلەدى.

مۇندا تۇرعىندار ءۇشىن قاجەت قىزمەت تۇرلەرىن ء«بىر تەرەزە» ارقىلى الۋ مۇمكىندىگى بار. «كومەك الاڭدارى» زاماناۋي بايلانىس جانە كوممۋنيكاتسيا قۇرالدارىمەن قامتىلعان. سونداي-اق، ازاماتتاردى «وپەن سپەيس» فورماتىندا قابىلدايتىن ارنايى بولمە دە بار. بۇل بولمەدە تۇرعىندار وزدەرىن تولعاندىرعان ماسەلەلەرگە قاتىستى ءتيىستى مەملەكەتتىك ورگان وكىلدەرىنەن تولىققاندى جاۋاپ، يا كەڭەس الاتىن بولادى.

 ە

قوستاناي وبلىسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار