كوروناۆيرۋس پاندەمياسىنا قاتىستى ەلدەگى جاعدايدى ەسكەرە وتىرىپ, ايماقتارداعى ۆەدومستۆولىق باعىنىستى ۇيىمدار مەن اۋماقتىق بولىمشەلەر Zoom پلاتفورماسى ارقىلى قوسىلدى.
ەكولوگيا ءمينيسترى م. مىرزاعاليەۆ ءوزىنىڭ قۇتتىقتاۋ سوزىندە ەل حالقىن قورشاعان ورتاعا ۇقىپتى قاراۋعا, تابيعي رەسۋرستاردى ءتيىمدى پايدالانۋعا, فلورا مەن فاۋنانىڭ بىرەگەي تۇرلەرىن ساقتاۋعا, ەكولوگيالىق جاۋاپتى سانانى قالىپتاستىرۋعا شاقىردى.
«ەكولوگتاردىڭ باستى مىندەتى – ءبىزدىڭ جەرىمىزدى ساقتاۋ, ونىڭ بايلىعى مەن ۇرپاقتارىمىز ءۇشىن قايتالانباستىعىن ەسكەرۋ. قورشاعان ورتاعا قامقورلىق – بۇل ءبىزدىڭ تاۋەلسىز مەملەكەتىمىزدىڭ كەز كەلگەن تۇرعىنىنىڭ پارىزى. سىزدەردى ەكولوگتار جانە بۇكىلالەمدىك قورشاعان ورتانى قورعاۋ كۇنىمەن قۇتتىقتايمىن!», – دەدى مينيستر.
ءىس-شارا بارىسىندا قورشاعان ورتانى ساقتاۋعا, براكونەرلىكپەن كۇرەسكە قوسقان ۇلەسى ءۇشىن مەملەكەت باسشىسىنىڭ العىس حاتىمەن باتىس قازاقستان وبلىستىق جانۋارلار جانە وسىمدىكتەر دۇنيەسى اۋماقتىق ينسپەكتسياسىنىڭ ءبولىم باسشىسى ماجەنوۆ سەرىك ساعىندىق ۇلى ماراپاتتالدى.
سونىمەن قاتار, قورشاعان ورتانى قورعاۋ سالاسىنداعى بەلسەندى جانە جەمىستى جۇمىسى, جوعارى كاسىبي قاسيەتتەرى مەن قازاقستان رەسپۋبليكاسىنىڭ تابيعي بايلىقتارىن ساقتاۋعا, قورشاعان ورتانى ساقتاۋ مەن قالپىنا كەلتىرۋگە قوسقان جەكە ۇلەسى, جاڭاشىلدىق پەن باستاماشىلىق, حالىق اراسىندا ەكولوگيالىق قوزعالىستى تانىمال ەتۋ جونىندەگى جەتىستىكتەرى ءۇشىن «ەكولوگيا سالاسىنىڭ ۇزدىگى» ءتوس بەلگىسىمەن – «قازاقستاننىڭ ەكولوگيالىق ۇيىمدارىنىڭ قاۋىمداستىعى» زتب پرەزيديۋمىنىڭ ءتورايىمى ءاليا نۇرسۇلتانقىزى نازارباەۆا, ەكولوگيالىق رەتتەۋ جانە باقىلاۋ كوميتەتىنىڭ توراعاسى زۇلفۋحار جولداسوۆ, «قازگيدرومەت» رمم ەكولوگيا دەپارتامەنتىنىڭ ديرەكتورى و. كورنيۋحوۆا جانە «قاراعاندى وبلىستىق ەكولوگيا مۇراجايىنىڭ» دەپارتامەنتىنىڭ ديرەكتورى د. كالمىكوۆ ماراپاتتالدى.
قوعامدىق ۇيىمداردىڭ وكىلدەرى مەن ەكواكتيۆيستەر: ا.س. سولوۆەۆا, س.ت. راحيمبەكوۆا, ە.ن. اباكانوۆ, ا. ساحاريانوۆا قۇرمەت گراموتالارىمەن جانە العىس حاتتارمەن ماراپاتتالدى.
«قۇرمەتتى ارىپتەستەر, بۇگىن ۆەدومستۆالىق ماراپاتتارعا ءار سالانىڭ دامۋىنا, ياعني مەملەكەتىمىزدىڭ دامۋىنا كۇندەلىكتى ۇلەس قوسىپ وتىرعان ادامدار يە بولادى. بىزبەن قاتار, ءبىزدىڭ قۇرمەتتى ارداگەرلەر, قۇرمەتتى دەمالىسقا شىققاننان كەيىن دە ەل يگىلىگى ءۇشىن ەڭبەك ەتىپ جۇرگەندەرى قۋانتادى. جىل سايىن قورشاعان ورتاعا ۇقىپتى قاراۋدىڭ وسىنداي لايىقتى مىسالدارى بىزدە كوپ, ال ماراپات ارقاشان ءوز باتىرلارىن تابادى» - دەپ تۇيىندەدى مينيستر.
