بايقاۋدىڭ ماقساتى ءبىلىم بەرۋ ۇيىمدارىندا پسيحولوگيالىق, ەموتسيالىق كۇيدى, ينتەللەكتۋالدى جانە ەڭبەك ەتۋ تاربيەسىن قامتاماسىز ەتۋ, بالالاردىڭ ەكولوگيالىق تاربيەسى ءۇشىن مەكتەپكە دەيىنگى بالاباقشالاردا جانە توپ ىشىندەگى جاعدايدى جاساۋ. سونىمەن قاتار اتا-انالار اراسىندا ەكولوگيالىق ءبىلىمدى ناسيحاتتاۋ بولىپ تابىلادى.
بيىل ەلىمىزدە توتەنشە جاعداي ەنگىزىلۋىنە بايلانىستى, بارلىق ەلدى مەكەندەردەگى مەكتەپتەر مەن بالاباقشالارعا بارۋ مۇمكىندىگى بولمادى. سول سەبەپتى كوميسسيا مۇشەلەرى اتالعان كونكۋرستار بويىنشا قۇجاتتاردى ەلەكتروندى فورماتتا قاراپ شىقتى جانە ىرىكتەپ ەڭ ۇزدىك دەگەن مەكتەپتەر مەن بالاباقشالارعا باعا بەرىپ, قورىتىندىسىن شىعاردى.
ماڭعىستاۋ وبلىسىنىڭ جالپى ءبىلىم بەرۋ مەكتەپتەرى اراسىندا «تابيعاتپەن ۇندەس مەكتەپ» بايقاۋى بويىنشا ءى دارەجەلى ديپلوم جانە 400 000 تەڭگە سىياقىسىمەن مۇنايلى اۋدانى № 8 جالپى ءبىلىم بەرۋ ورتا مەكتەبى ماراپاتتالادى. ءىى دارەجەلى ديپلوم جانە 300 000 تەڭگە جاڭاوزەن قالاسىنداعى № 22 ورتا مەكتەبىنە بەرىلدى. ءىىى دارەجەلى ديپلوم جانە 200 000 تەڭگەمەن ماڭعىستاۋ اۋدانى «وتەس» ورتا مەكتەبى ماراپاتتالدى. وسى بايقاۋعا جاقسى دايىندىقپەن قاتىسقانى ءۇشىن العىس حاتتارىمەن جانە 60 000 تەڭگە سىياقىسىمەن مۇنايلى اۋدانى № 6 ورتا مەكتەبى, قاراقيا اۋدانى «قاراقۇدىق» مەكتەبى جانە № 3 ورتا مەكتەبى ماراپاتتالادى.
ال ماڭعىستاۋ وبلىسىنىڭ مەكتەپكە دەيىنگى مەكەمەلەرى اراسىندا «تابيعاتپەن ۇندەس بالاباقشا» بايقاۋى بويىنشا ءى دارەجەلى ديپلوم جانە 300 000 تەڭگە سىياقىسىمەن بەينەۋ اۋدانى «بورانقۇل» بوبەكجايى» ماراپاتتالسا, ءىى دارەجەلى ديپلوم جانە 250 000 تەڭگە سىياقىسىمەن مۇنايلى اۋدانى № 7 «اينالايىن» بالاباقشاسى, ال ءىىى دارەجەلى ديپلوم جانە 200 000 تەڭگە سىياقىسىمەن جاڭاوزەن قالاسى «اراي» بوبەكجاي-باقشاسى ماراپاتتالادى. سونداي-اق, وسى بايقاۋعا بەلسەندى قاتىسقانى ءۇشىن العىس حاتتار مەن 60 000 تەڭگە سىياقى اقتاۋ قالاسى № 4 «اققۋ» بالاباقشاسى, ماڭعىستاۋ اۋدانى «اينالايىن» بالاباقشاسى جانە قاراقيا اۋدانى «عارىشكەر» بالاباقشاسىنا بەرىلدى.
بايقاۋ جەڭىمپازدارى مەن جۇلدەگەرلەرىن قۇتتىقتاعان ماڭعىستاۋ وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى دۇيسەن قۇسبەكوۆ 5 ماۋسىم - دۇنيەجۇزىلىك قورشاعان ورتانى قورعاۋ كۇنىمەن قۇتتىقتاي وتىرىپ, ەكولوگيالىق ماسەلەلەرگە ۇلكەن جاۋاپكەرشىلىكپەن قاراۋدى ءوزىنىڭ پارىزى ساناپ جۇرگەن ءبىلىم بەرۋ وردالانىنىڭ ۇستازدارى مەن وقۋشىلارىنا العىسىن جەتكىزدى.
ماڭعىستاۋ وبلىسى
