بيىل اۋىل شارۋاشىلىعى سالاسىن تسيفرلاندىرۋعا كوپ كوڭىل ءبولىنىپ. «اقىلدى» ەت, ءسۇت فەرماسى, قۇس فابريكاسى مەن وزگە دە وندىرىستەردى اۆتوماتتاندىرۋ قولعا الىنباق. «اۋىل شارۋاشىلىعى مينيسترلىگىنىڭ تاپسىرماسىنا سايكەس, 2022 جىلعا دەيىن وبلىس اۋماعىندا 381 تسيفرلىق فەرما قۇرىلادى. بيىل تسيفرلاندىرۋ شارالارى بويىنشا پيلوتتىق جوبا وسىمدىك وندىرىسىمەن اينالىساتىن 41 سەرىكتەستىك جانە ءىرى قارا ءوسىرۋ ءىسىن قولعا العان 33 شارۋا قوجالىعىندا جۇزەگە اسىرىلادى. ەگىنشىلىك ىسىندە زاماناۋي اگرەگاتتاردى پايدالانۋ كوزدەلگەن. سونىمەن قاتار, ديقاندارعا ءدان ءسىڭىرۋدىڭ يننوۆاتسيالىق جۇيەسىن قولدانۋ ۇسىنىلدى. بۇل رەتتە, ولارعا مەملەكەتتىك قولداۋ شارالارى جاقسى دارەجەدە كورسەتىلەدى», - دەلىنگەن وبلىس اكىمىنىڭ ءباسپاسوز قىزمەتى تاراتقان حابارلامادا.
تسيفرلىق تەحنولوگيالاردى ەنگىزۋدىڭ جەمىسىن ديقاندار ءبىراز جىلداردان بەرى كورىپ كەلەدى. ماسەلەن, القاپتى سۇرىپتاپ وڭدەۋ تەحنولوگياسىن ەنگىزۋ ارقىلى ديقاندار ءوندىرىس تيىمدىلىگىن جاقسارىپ, جانار-جاعارماي شىعىنىن ازايتۋعا قول جەتكىزگەن. ناتيجەسىندە استىق ءتۇسىمى 3 تسەنتنەردەن 5 تسەنتنەرگە دەيىن ۇلعايعان.
قوستاناي وبلىسى
