ايماقتار • 05 ماۋسىم، 2020

قوستانايلىق پوليتسەيلەر ميتينگىلەر تۋرالى جاڭا زاڭمەن تانىستى

30 رەت كورسەتىلدى

قوستاناي وبلىسىنىڭ پوليتسيا دەپارتامەنتىندە «قازاقستان رەسپۋبليكاسىندا بەيبىت جينالىستار ۇيىمداستىرۋ جانە وتكىزۋ ءتارتىبى تۋرالى» زاڭدى تۇسىندىرۋگە ارنالعان جيىن ءوتتى. زاڭ تالاپتارى تۋرالى ءسوز سويلەگەن پد باستىعىنىڭ مىندەتىن اتقارۋشى نىعمەت يسماعۇلوۆ پوليتسيانىڭ باستى مىندەتى - قوعامدىق ءتارتىپتى ساقتاۋدى قامتاماسىز ەتۋ ەكەندىگىنە توقتالدى.  

- پوليتسيا قىزمەتكەرلەرى ءۇشىن ازاماتتاردىڭ كونستيتۋتسيالىق قۇقىقتارىن ساقتاۋ ماڭىزدى. ميتينگكە قاتىسۋشىلار تاراپىنان ءتۇرلى قۇقىق بۇزۋشىلىقتارعا جول بەرىلمەۋى قاجەت، ءىس-شارالار زاڭ نورمالارىنا سايكەس جۇرگىزىلۋى ءتيىس، - دەدى ن. يسماعۇلوۆ.

قوعامدىق ءتارتىپ بۇزىلماسا جانە ازاماتتاردىڭ تىنىشتىعىنا كەدەرگى كەلتىرمەسە، ميتينگتەرگە جول بەرىلەدى. بەيبىت جينالىستى وتكىزۋ ءۇشىن ۇيىمداستىرۋشىلار جەرگىلىكتى اتقارۋشى ورگانعا ءوتىنىش بەرۋى قاجەت. مۇنداي بەيبىت جينالىستار ارنايى ورىنداردا وتكىزىلۋى ءتيىس.

- ميتينگكە قاتىسۋشىلارعا حالىقتى كونستيتۋتسيا مەن زاڭداردى بۇزۋعا شاقىرۋعا، جاپپاي تارتىپسىزدىك پەن زورلىق-زومبىلىققا ۇندەۋگە، الاۋىزدىق وتىن تۇتاتۋعا، بيلىكتى باسىپ الۋعا شاقىرۋعا، كولىكتىڭ نەمەسە ازاماتتاردىڭ قوزعالىسىنا كەدەرگى جاساۋعا، سونداي-اق مەملەكەتتىك ورگانداردىڭ جۇمىسىنا كەدەرگى كەلتىرۋگە، كيىز ۇيلەر مەن شاتىرلار ورناتۋعا بولمايدى. ميتينگكە قاتىسۋشىلارعا وزىمەن سۋىق قارۋعا جانە الكوگولدى ىشىمدىكتەر الىپ جۇرۋگە تىيىم سالىنادى،- دەدى ن.يسماعۇلوۆ.

باس پوليتسەيدىڭ ايتۋىنشا، قازىرشە وبلىستا كارانتين رەجىمى ءالى ساقتالادى. سوندىقتان بۇقارالىق ءىس-شارالاردى، ونىڭ ىشىندە ميتينگىلەردى وتكىزۋگە رۇقسات بەرىلمەيدى. 

1

پرەزيدەنت تاياۋدا عانا قول قويعان جاڭا زاڭ 6 ماۋسىمنان باستاپ كۇشىنە ەنەدى.

 

قوستاناي وبلىسى

سوڭعى جاڭالىقتار

ۇقساس جاڭالىقتار