قوعام • 05 ماۋسىم، 2020

نۇر-سۇلتاندا Covid-19-عا قارسى دەزينفەكتسيا جالعاسىپ جاتىر

35 رەت كورسەتىلدى

ەلوردا ساياباقتارىندا، قوعامدىق ورىنداردا، الەۋمەتتىك نىساندار، بازارلار، ساۋدا ورتالىقتارى، ايالدامالار مەن اۆتوبۋستاردا، بالالار الاڭدارىندا جانە باسقا دا ادامدار كوپ جينالاتىن جەرلەردە دەزينفەكتسيا جالعاسۋدا. قالادا 20 ميلليون شارشى مەتردەن استام اۋماق دەزينفەكتسيالاندى. دەزينفەكتسيالاۋ جاياۋ جانە ارنايى ماشينالاردىڭ كومەگىمەن جۇرگىزىلەدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

«Covid-19 تارالۋىنا جول بەرمەۋ ءۇشىن دەزينفەكتسيا جالعاسۋدا. سونداي-اق بۇعان اسكەري قىزمەتكەرلەر، قورعانىس مينيسترلىگىنىڭ قىزمەتكەرلەرى دە جۇمىلدىرىلعان. وسىنىڭ ءبارى قالالىقتاردىڭ قاۋىپسىزدىگى ءۇشىن جاسالادى. تۇرعىندارعا كارانتيننىڭ جەڭىلدەتىلگەن رەجيمىنە بايلانىستى قوعامدىق ورىندارعا، ساياباقتار مەن باقتارعا بارۋعا رۇقسات ەتىلگەن. ءبىز اتالعان ورىنداردى مۇقيات دەزينفەكتسيالايمىز. تۇرعىنداردى بارلىق سانيتارلىق ەرەجەلەردى ساقتاۋعا شاقىرامىن. ءوزىڭىزدى قورعاي وتىرىپ، باسقالاردى دا قورعاي الاسىز»، – دەپ اتاپ ءوتتى قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى الماز رىساليەۆ.

ەلوردا تۇرعىندارى قاتاڭ سانيتارلىق نورمالاردى ساقتاۋى قاجەت: ماسكا كيىپ ءجۇرۋ، قاشىقتىق ساقتاۋ، انتيسەپتيك پايدالانۋ. سانيتارلىق نورمالار بۇزىلعان جاعدايدا قالا قاتاڭ كارانتين رەجيمىنە قايتا اۋىسۋى مۇمكىن.

سوڭعى جاڭالىقتار

ۇقساس جاڭالىقتار