وبلىس نۇر-سۇلتان قالاسىنا 11 مىڭ توننا ەت جانە ەت ونىمدەرىن جونەلتىپ وتىر. ماكينسك قالاسىنداعى قۇس فابريكاسىنىڭ ءوزى 25 مىڭ توننا قۇس ەتىمەن قامتاماسىز ەتۋدە. ال, ءسۇت جانە ءسۇت ونىمدەرى بويىنشا ەلوردا تۇرعىندارىنىڭ قاجەتتىلىگىن 34 پروتسەنتكە قاناعاتتاندىرىپ وتىر.
– وبلىستىڭ ءىرى قۇس فابريكالارىنان جىل سايىن 800 ميلليون جۇمىرتقا جىبەرىلەدى. سۇرانىستىڭ 94 پروتسەنتىن ءبىز ءوزىمىزدىڭ ونىممەن قامتاماسىز ەتىپ وتىرمىز, – دەيدى وبلىستىق اۋىل شارۋاشىلىعى باسقارماسىنىڭ ءبولىم جەتەكشىسى بوتاگوز بىركەنوۆا.
استىقتى ءوڭىر ەلوردالىقتاردى ۇنمەن دە, كوكونىسپەن دە قامتاماسىز ەتۋدە. بۇگىندە ايماقتا كوكونىس ساقتايتىن 56 قويما بار. باس قالاعا قويمالارداعى كارتوپتىڭ 90 پروتسەنتى جونەلتىلۋدە.
– ءونىم تۇرلەرىن كوبەيتۋ ماقساتىندا جاڭا جوبالار ىسكە اسىرىلۋدا. «گورمولزاۆود» سەرىكتەستىگى ءتۇرلى يوگۋرتتاردى ازىرلەۋ ۇستىندە. شەلەكتەپ, كيلوگرامداپ ساتاتىن بالمۇزداقتاردى ەندى ولار ارنايى پاكەتتەردە, ءتۇرلى دامدەۋىشتەر قوسىپ, بالمۇزداق ۇلگىلەرىن كوبەيتپەك, – دەيدى وبلىستىق اۋىل شارۋاشىلىعى باسقارماسىنىڭ ءبولىم جەتەكشىسى بوتاگوز بىركەنوۆا.
ءبىرجان سال اۋدانىندا قاتتى جانە جۇمساق ىرىمشىكتەردى ازىرلەيتىن جوبا ىسكە اسۋدا. ولار ىرىمشىكتىڭ 20-دان استام ءتۇرىن ءوندىرىپ, ەلورداعا جىبەرۋدى جوسپارلاپ وتىر.
