مامىردىڭ العاشقى اپتاسىندا القاپ باسىنا شىققان شەتەلدىك 9 اگرەگات 16 مىڭ گەكتار جەرگە ءدان ءسىڭىردى.
ء–ار جىلدىڭ ءوز ەرەكشەلىگى بار. بيىل كوكتەم ەرتە شىقتى. سول سەبەپتى اگرەگاتتاردى قۇرعاق القاپتارعا شىعاردىق. مول ءونىم ءداندى داقىلداردىڭ سۇرپىنا سايلانىستى. بيىل «ومسك-28», ورال-سىبىرلىك «ليۋباۆا-5» جانە «بوەۆچانكا» بيداي تۇقىمدارىن پايدالاندىق. ولار ءبىزدىڭ ورماندى ءوڭىردىڭ اۋا رايى ءۇشىن قولايلى, – دەيدى سەرىكتەستىكتىڭ باس ديرەكتورى الەكسەي دجەيرانوۆ.
تۇقىم سەۋىپ بىتكەن كۇننىڭ ەرتەڭىندە سەرىكتەستىكتىڭ مەحانيزاتورلارى پار جىرتۋعا كىرىسىپ كەتتى. بۇل شارا دا بولاشاق مول ءونىمنىڭ كەپىلى.
ء–بىز جىل سايىن 5 مىڭ گەكتاردان استام جەردىڭ پارىن جىرتامىز. بۇل جۇمىس اگروتەحنيكالىق شارالاردى جاساۋ مەرزىمىندە ءوتۋى ءتيىس. تاعى ءبىر ايتا كەتەتىن ءجايت, ءبىز-ەكى ءۇش جىلدان بەرى حيميالىق تىڭايتقىشتى ازايتتىق, – دەيدى اگرونوم سەرگەي تيۋكوۆ.
اۋا رايىن بولجاۋشىلار بىرەر كۇندە جاڭبىر جاۋادى دەگەن قۋانىشتى حابار ايتۋدا. وسى ءسوز ديقان كوڭىلىن دەمدەپ تۇر.
اقمولا وبلىسى
