ساياسات • 05 ماۋسىم، 2020

ەلىمىزدىڭ باستى قۇندىلىقتارى

16 رەت كورسەتىلدى

مەملەكەتتىك رامىزدەر – تۋ، ەلتاڭبا جانە ءانۇران قازاق­ستان رەسپۋبلي­كاسىنىڭ دەربەس­تىگى مەن تاۋەلسىزدىگىن بۇكىل الەم­گە تانىتۋدىڭ ءارى مەملە­كەتى­­مىز­دىڭ وتكەنى مەن بۇگى­نىن جانە بو­لاشاعىن ساباقتاس­تى­را­­تىن جارقىن كورىنىسى ەكەنى ءسوزسىز.

تاڭ­مەن تالاسا تۇرعان كوك­شەت­اۋ­لىق­تار قالا كوشە­لەرىن­دەگى سال­تا­ناتتىڭ كۋاسى بول­دى. اۋەلى ابى­لاي حان داڭعى­لى­نان باستاۋ العان شەرۋ تاۋەل­سىزدىك الا­ڭىندا توعىستى. ءۋالي­حانوۆ كوشە­سىنىڭ بويىندا «ەۆ­رازيا گرۋپپ قازاقستان» جشس-نىڭ  ۇجىمى اۋەلەتىپ ءان­ۇراندى ورىندادى.

– ءسوز قۇدىرەتى دەگەن عاجاپ-اۋ، ءانۇراندى ەستىگەن سايىن تۇلا بويىڭ شىمىرلاپ، كەۋدەمدى ماقتانىش سەزىمى كەرنەيدى، – دەيدى قالا تۇرعىنى نۇرلان ال­پىس­باەۆ، – وسىنداي شارالاردى وتكىزگەن وتە دۇرىس. اركىم­نىڭ بويىندا ەلگە، جەرگە دەگەن، سۇيىكتى وتانىمىزعا دەگەن قۇرمەت ارتا تۇسەدى.

وبلىس ورتالىعىنداعى بىر­قا­تار ەڭبەك ۇجىمى ورتاق مەرە­كەگە ءبىر ادامداي قاتىسىپ، ءوز كوكى­­­رەك­تەرىندەگى پەيىل مەن نيەت­­تىڭ ماڭگى سونبەس ۇشقىنىن كور­سەتتى. «اگريمەر استىق»، «گور­مول­زاۆود»، «اقساي نان» سەرىك­تەس­­تىك­تەرىنىڭ ۇجىمدارى ءوز ەڭ­بەك ورىن­دارىندا دا بارشاسى ءبىر ادام­داي بولىپ ءانۇراندى ورىن­­دادى. ونداعان ۇلت وكىلىنىڭ ءبىر ارنادا توعىسقان تىلەك-نيەت­­تەرى اسقاق ءاننىڭ اۋەلەگەن لەبىمەن جاسىل جەلەككە ورانعان قاسيەتتى كوكشەتاۋ قالاسىنىڭ كوگىل­دىر اسپانىنىڭ استىنان قال­قىپ شىعىپ، جالپاق دالاعا شى­مىر­لاپ تاراپ بارا جاتتى. وبلىس­تىق سوت عيماراتىنىڭ الدىندا «مە­نىڭ تۋىم – مەنىڭ، وتانىم!» اك­تسيا­­سى وتكىزىلدى. ن.نازارباەۆ داڭ­عى­لى 95 تۇرعىن ءۇيىنىڭ الاڭىندا بەل­­گىلى ايتىسكەر اقىن مۇحامەد قوڭ­قاەۆ ەلىمىزدىڭ باستى قۇن­دى­لىق­تارىن جالىندى جىرمەن ءوردى.

بۇقپانىڭ باۋرايىندا تۋ كوتەر­گەن جيىرماعا جۋىق اۆتو­كولىك ساپ تۇزەپ، قالا كوشە­لەرىن ارا­لاۋعا اتتاندى. بۇل ءبىر ءار كوكى­رەكتە ءوز ەلىنە دەگەن ول­شەۋ­سىز ماحابباتتىڭ كورىنى­سىن كور­­سەتەتىن، اق تۇيەنىڭ قار­نى جارىل­عان ساتتەگى جان قۋانى­شىن، رۋح قۋانىشىن  سەبەزگى­لەي­تىن ءسات ەدى.  قاز-قاتار ءجۇرىپ بارا جاتقان كولىكتەرگە كوز سالعان كوپشىلىك وزدەرىنىڭ ماڭ­گىلىك مۇرات تۇتقان ەلدىڭ ءبىر بولشەگى ەكەنىن ۇعىن­عان سايىن ەل مەرەيى ارتا تۇسە بەرەدى ەكەن.

– ءبىز، سپورتشىلار حالىق­ارا­­لىق جارىستاردا توپ جارعان سايىن ەلى­مىزدىڭ ءانۇرا­نى ورىن­دالىپ، تۋى كو­تەرىل­گەندە تەبى­رە­نىستى ءساتتى باس­­تان كە­شەمىز، – دەيدى بوكس­تان الەم چەم­پيو­ناتىنىڭ قولا جۇل­­د­ە­گەرى كارينا يبراگيموۆا، – وتا­نى­­مىز­دىڭ مە­رەيىن ۇستەم ەتىپ، جالپاق الەم­گە تانىتۋ قان­داي باقىت.

بۇل كۇنى قوعامدىق كولىكتەردە مەم­­لەكەتتىك تۋ تاراتىلىپ، «را­مىز­­دەرىم – ماقتانىشىم!» اك­تسيا­­سى وتكىزىلدى. كورگەن جان­نىڭ كو­كى­رە­گىنە وي سالاتىن، الپىس ەكى تامىرىن شىمىرلاتاتىن مازمۇنى تەرەڭ، ماعىناسى مول شارالار شەرۋى كەشكە دەيىن تولاستاعان جوق.    

 

اقمولا وبلىسى

 

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار