اباي • 05 ماۋسىم، 2020

ابايعا ارنالعان ءمۇشايرا

290 رەت كورسەتىلدى

ۇلى ابايدىڭ تۋعانىنا 175 جىل تولۋىنا ارنالعان «جۇرە­گىمنىڭ تۇبىنە تەرەڭ بويلا» اتتى مەرەيتويلىق ءمۇشايرا ءوز مارەسىنە جەتتى. بىرنەشە جىلدان بەرى نۇر-سۇلتان قالاسى اكىمدىگىنىڭ قولداۋىمەن ساكەن سەيفۋللين مۇراجايى ۇيىمداستىرىپ كەلە جاتقان ءداستۇرلى جىر بايگەسى بيىل اباي رۋحىنا ارنالدى.

الامان جىر جارىسىنا رەسپۋبليكامىزدىڭ تۇپكىر-تۇپكىرىنەن 150 اقىن قاتىستى.

قازاقستان جازۋشىلار ودا­عىنىڭ نۇر-سۇلتان قالالىق فيليالىنىڭ ديرەكتورى، اقىن داۋلەتكەرەي كاپ ۇلى قازى­لار القاسىنا توراعالىق ەتتى. قازىلار قۇرامىندا مەم­لە­­كەتتىك سىيلىقتىڭ لاۋرەا­تى، جازۋشى قاجىعالي مۇحام­بەتقالي ۇلى، حالىقارالىق «الاش» ادەبي سىيلىعىنىڭ لاۋ­رەاتى، اقىن سەرىك اقسۇڭ­قار ۇلى، قازاقستاننىڭ ەڭبەك سىڭىرگەن قايراتكەرى، جۋرناليست جانبولات اۋپباەۆ، مەملەكەتتىك سىيلىقتىڭ لاۋرەاتى، اقىن نەسىپ­بەك ايت­ ۇلى بولدى.

بەلگىلى قالامگەرلەردەن قۇ­رالعان قازىلار القاسى مۇ­شاي­راعا قاتىسقان شىعار­مالاردى سۇرىپتاي كەلە، باس جۇلدەنى «ابايدىڭ بۇلاعى» دەگەن توپتاما ولەڭدەرى ءۇشىن حالىقارالىق «الاش» ادەبي سىيلىعىنىڭ لاۋرەاتى، اقىن جانات اسكەربەكقىزىنا (نۇر-سۇلتان) تابىستادى.

ءبىرىنشى ورىندى جاس اقىن قابيدەن قۋانىشباي ۇلىنىڭ (نۇر-سۇلتان) «ارمانى جوق ابايى بار حالىقتىڭ» اتتى ولەڭدەر توپتاماسى يەلەندى.

ەكىنشى ەكى ورىننىڭ ءبى­رىن «الاش»، «تارلان» سىي­لىق­تارىنىڭ لاۋرەاتى، اقىن يسرايل ساپارباي (ال­ماتى) «يماني گۇلدىڭ تور­كىنى» توپ­تاماسىمەن، ال ەكىن­شىسىن رەسپۋبليكالىق ءمۇ­شاي­را­لاردىڭ بىرنەشە دۇر­كىن جە­ڭىمپازى، اقىن باقىتجان راي­سوۆا (وسكەمەن) «كەمەڭگەر» ولەڭدەر توپتاماسىمەن جەڭىپ الدى.

ءۇشىنشى ءۇش ورىن بەلگىلى اقىندار سەرىكجان قاجيدىڭ (الماتى) «اقىلىنا جاۋ ەمەس­پىن ابايدىڭ»، بولات ۇسەنباەۆتىڭ (الماتى) «ابايناما»، ۇلاربەك نۇر­عا­­لىمنىڭ (نۇر-سۇلتان) «عا­سىرلاردىڭ مىنبەرىندە – ۇلى اباي» اتتى ولەڭدەر توپتاماسىنا بەرىلدى.

بەس ىنتالاندىرۋ سىيلىعىن سەرىك ءابىل ۇلىنىڭ (نۇر-سۇل­تان) «اباي بول»، شامەلحان بۇحاتحاننىڭ (نۇر-سۇلتان) ء«بىر قونىپ قايتايىنشى جيدە­بايعا»، جىگەر نىسانوۆتىڭ (اق­توبە) ء«تىرى جۇرەك»، قايرات زەكەن ۇلىنىڭ (سەمەي) «ابايعا جۇگىن»، بالتابەك نۇرعاليەۆتىڭ (الماتى) « ۇلىلىق» اتتى ولەڭ­­­دەرى يەلەندى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار