«مەنىڭ قازاقستانىم» فوتوبايقاۋى جاريالاندى

فوتوبايقاۋدىڭ تاقىرىبى – تابيعاتتىڭ سۇلۋلىعى مەن وسالدىعى. بايقاۋعا قاتىسۋشىلار ءوز جۇمىستارىندا تازا تابيعاتتى دا, ەكولوگيالىق قاۋىپ-قاتەردەن كوز جۇمعان تابيعاتتى كورسەتە الادى. مىندەتتى شارت - بارلىق سۋرەتتەر قازاقستاندا جاسالۋى ءتيىس.

بايقاۋ بارلىق جاستاعى اۋەسقوي جانە كاسىبي فوتوگرافتار ءۇشىن اشىق.

ءار قاتىسۋشى كەلەسى ساناتتار بويىنشا 10 فوتوسۋرەتكە دەيىن ۇسىنا الادى:

• قازاقستاننىڭ فلوراسى مەن فاۋناسى
• قازاقستاننىڭ تابيعاتى
• قازاقستاننىڭ ەكولوگياسى مەن قورشاعان ورتاسى

– ءبىز زاماناۋي, كرەاتيۆتى جانە رەزونانستىق, كۇردەلى, ەرەكشە جانە ادەمى جۇمىستاردى ىنتالاندىرامىز. الايدا قورشاعان ورتاعا قامقورلىق جاساۋدى باستاۋعا جانە ادامزاتتىڭ تابيعات الدىنداعى جاۋاپكەرشىلىگىن ارتتىرۋعا  ۇندەيتىن جۇمىستاردى باعالايمىز, – دەيدى ۇيىمداستىرۋشىلار.

فوتوسۋرەت جۇمىستارى 2020 جىلدىڭ 30 تامىزىنا دەيىن قابىلدانادى.

ەڭ ۇزدىك ءجۇمىستار «ەكولوگيا جانە جاسىل ءوسىم سالاسىنداعى ىنتىماقتاستىق» تاقىرىبىندا كوكشەتاۋ قالاسىندا وتەتىن قازاقستان مەن رەسەيدىڭ وڭىرارالىق ىنتىماقتاستىعىنىڭ حالىقارالىق فورۋمى اياسىندا قويىلادى. بايقاۋ جەڭىمپازدارى ءبىزدىڭ سايت پەن الەۋمەتتىك جەلىلەردە جاريالانادى. سونداي-اق ەلەكتروندىق پوشتا ارقىلى حابارلانادى.

فوتوبايقاۋعا قاتىسۋ ءۇشىن qazaqgeography.kz سايتىندا تىركەلىپ, قوعامنىڭ مۇشەسى بولۋ قاجەت. مۇشەلىك QazaqGeography ءىس-شارالارىنا قاتىسۋعا ەكسكليۋزيۆتى مۇمكىندىك بەرەدى. جىل سايىنعى مۇشەلىك جارنا ەرەسەكتەر ءۇشىن 2000 تگ, وقۋشىلار, ستۋدەنتتەر مەن زەينەتكەرلەر ءۇشىن – 500 تگ. بايقاۋعا 18 جاسقا تولعان QazaqGeography مۇشەلەرى نە كامەلەتكە تولماعان قوعام مۇشەلەرىنىڭ اتا-انالارى, قورعانشىلارى نەمەسە اعا دوستارى قاتىسا الادى. QazaqGeography قوعامىنا كىرۋ جانە قاتىسۋ شارتتارى تۋرالى تولىعىراق qazaqgeography.kz.  سايتىنان بىلۋگە بولادى.

QazaqGeography بەس باعىتتا جۇمىس ىستەيدى: گەوگرافيا, كليمات; قورشاعان ورتا, تابيعات رەسۋرستارى; بيوالۋانتۇرلىلىك; تۋريزم, ساياحات, ولكەتانۋ; تاريحي-مادەني مۇرا, ەتنوگرافيا. قازىرگى ۋاقىتتا قازاقستاندا 11 وكىلدىك اشىلعان.