مەملەكەتتىك رامىزدەر كۇنىنە ارنالعان شارا «تاۋەلسىزدىك» ساياباعىندا باستاۋ الدى. جاستار اكتسيادا قر مەملەكەتتىك ءانۇرانىن شىرقادى. سونداي-اق تۇرعىندارعا تۋ, ەلتاڭبا, ءانۇران جايىندا ساۋالناما جۇرگىزىلىپ, جالاۋشالار تاراتىلدى.
- ۇلتتىق نىشانداعى مەرەكەنىڭ مەرەيى ۇستەم. كوك تۋدى تەڭدىگىمىزگە, ەلتاڭبامىزدى, ءانۇرانىمىزدى بيىك تۇعىرىمىزعا بالايمىز. بىراق ەلىمىزدە توتەنشە جاعداي الىنعانىمەن, كارانتيندىك شەكتەۋلەر الىنعان جوق. سوعان بايلانىستى اكتسيانى ساقتىق شارالارى ساقتاي وتىرىپ, وتكىزىپ وتىرمىز. ۇلتتىق رۋحتى وياتاتىن مەرەكەلىك ەستافەتا وتكەن, الدىڭعى جىلدارى قولعا الىنعان بولاتىن. بيىلعى چەللەندجگە دە كەز كەلگەن وتانسۇيگىش ازامات قاتىسا الادى, - دەدى رۋحاني جاڭعىرۋ ءبولىمىنىڭ مەڭگەرۋشىسى زاۋرە ورالباەۆا.
ۇلتىمىزدىڭ ۇلىلىعىن, تاريحىمىزدىڭ قاسيەتىن تانىتاتىن اكتسيا «اباي» ساياباعى, «اربات» دەمالىس ايماعى «دەندروساياباق», ەڭبەكشى اۋدانىنداعى «تەرىسكەي» ساۋدا ورتالىعىندا جالعاسادى.
