قوعام • 03 ماۋسىم، 2020

«ەلباسى مەدالى» جاستار ءوز تالانتىن كورسەتۋگە تاپتىرماس باعدارلاما

46 رەت كورسەتىلدى

بۇل تۋرالى «ەلباسى اكادەمياسى» كق باسشىسىنىڭ ورىنباسارى انۋار جانگوزين ايتتى.

ء«بىز دارىندى جاستاردىڭ بۇكىل حالىققا تانىلۋىن عانا ەمەس، سونىمەن بىرگە وسى جولداعى ءوزىن-ءوزى جەتىلدىرۋدىڭ ءتيىستى باعدارلاماسىنان وتۋگە دە جاردەمدەسەمىز. بۇل جاستارىمىزدىڭ جەكە-جەكە تاڭداعان ءوز جولىمەن وسۋىنە قاجەت قارەكەت دەپ بىلەمىز. سپورتتىق دايىندىققا، ينتەللەكتۋالدى جانە شىعارماشىلىق دامۋعا باستايدى. ياعني، تابىستى ەڭبەككە ۇمتىلعان، الدىنا قويعان ماقساتى ايقىن ادامداردىڭ كوممۋنيكاتسيالىق داعدىلارى مەن وسىعان قاجەت جەكە قاسيەتتەرىن دامىتۋعا اسەر ەتەدى.  رەسپۋبليكامىزدىڭ باستى بايلىعى - بۇل قازاقستان ازاماتتارى. وسىناۋ ۇلى دالانى مەكەن ەتكەن حالىق اراسىندا ميلليونداعان تالاناتتارىمىزدىڭ بار ەكەندىگىنە ەشقانداي ءشۇبا جوق.  مەملەكەت تۇعىرىنىڭ بۇرىنعىدان دا بيىك بولا ءتۇسۋى - سول تالاناتتارىمىزدىڭ بولاشاعىمەن بىتە قايناساتىنى ءسوزسىز»، - دەدى انۋار جانگوزين.

ول جاستارىمىزدى جاسامپازدىققا جانە ءوزىن-ءوزى دامىتۋعا باعىتتايتىن بولساق، وندا قازاقستاننىڭ بولاشاعى زور بولاتىنىنا توقتالدى.

«ەلباسىنىڭ «تاۋەلسىزدىك رۋحىمەن ءوسىپ كەلە جاتقان بۇگىنگى جاس بۋىن – ءبىزدىڭ ەرتەڭگى ءۇمىتىمىز، سەنىمدى تىرەگىمىز» - دەگەن ءسوزى بار. جاستاردىڭ ەلىمىزدى قورعاپ، ونى نىعايتا تۇسەتىنىنە، وزدەرىنىڭ بار ءبىلىمى مەن كۇش-قۋاتىن وتانىمىزدى وركەندەتۋگە جۇمسايتىنىنا سەنىم بىلدىرەتىنىن ۇنەمى ايتىپ كەلەدى. سوندىقتان،  تۇڭعىش پرەزيدەنت  نۇرسۇلتان ءابىش ۇلى نازارباەۆتىڭ باستاماسىمەن قولعا الىنعان «ەلباسى مەدالى» جوباسىنا قاتىسۋعا كەڭ مۇمكىندىك بار. بۇل - جاستارىمىزدىڭ ءوز تالاناتىن كورسەتۋگە تاپتىرماس باعدارلاما دەپ بىلەمىز»، - دەدى ول.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار