– بۇل كۇن – مەكتەپ تاريحىندا, مەكتەپ ءبىتىرۋشى تۇلەكتەر ەسىندە ماڭگى قالاتىنى انىق. ەڭ العاشقى وقۋ جىلى اياقتالىپ, ءبىزدىڭ مەكتەبىمىزدىڭ 20 تۇلەگى جاڭا ومىرگە اياق باسقالى تۇر. تارىداي بولىپ كىرگەن ءبىلىم وردالارىڭنان, تۋداي بولىپ قانات قاعىپ باراسىزدار. سىزدەرگە تىلەرىم, قاناتتارىڭ تالماسىن. 11 جىل بويى العان ءبىلىمنىڭ جەمىسىن كورىپ, ءاردايىم بيىك شىنداردان كورىنىپ, ەلىمىزدىڭ ەلەۋلى ازاماتتارى بولۋلارىڭىزعا تىلەكتەسپىن. ارداقتى اتا-انالارعا مەكتەپ ءبىتىرۋشى ۇل-قىزدارىڭىز بىلىكتى مامان يەسى اتانسىن دەگەن تىلەك بىلدىرەمىن. ۇستازدار قاۋىمىنا دا كەلەر جىلعا تابىس تىلەگىم كەلەدى, – دەدىم مەكتەپ ديرەكتورى ايگۇل قازيەۆا.
جيىن بارىسىندا مەكتەپ بىتىرۋشىلەر وزدەرىنىڭ ۇستازدارىنا دەگەن اقجارما تىلەگىن ارناپ, اننەن شاشۋ شاشتى. سونداي-اق, مەكتەپتەگى «جاس سارباز» ۇيىمىنىڭ تۇلەكتەرى اسكەري قويىلىم كورسەتتى.
سالتاناتتى جيىن بارىسىندا مەكتەپ ديرەكتورىنىڭ وقۋ-ءىسى جونىندەگى ورىنباسارى جانسايا يسمايلوۆا مەكتەپ باسشىسىنىڭ بۇيرىعىمەن تانىستىرىپ, وقۋشىلارعا 11 سىنىپ وقۋشىلارىنىڭ جالپى ورتا ءبىلىم كۋرسىن اياقتاۋ تۋرالى اتتەستاتىن تابىستادى.
سالتاناتتى جيىن بارىسىندا كارانتين تالاپتارى قاتاڭ ساقتالدى.
قوستاناي وبلىسى
