مەردىگەر كومپانيا وكىلدەرىنىڭ ايتۋىنشا, نىسان جىل سوعىنا دەيىن پايدالانۋعا بەرىلەدى. قاۋىپتى دەرت جەر-جاھاندى جايلاعان تۇستا مەديتسينا سالاسىنا كوڭىل ءبولۋ زاڭدىلىق. بۇل مەملەكەت قامقورلىعى. تولىقتاي ءبىر اۋدان, ياعني 23 مىڭ ادامعا قىزمەت كورسەتەتىن اۋداندىق اۋرۋحانا جۇمىسى قايتا جاڭعىرماق. حيرۋرگيا, تەراپيا, بالا تۋ ءبولىمى سياقتى 6 بولىمشەدەدەن تۇراتىن اۋرۋحانا 6 ايدان سوڭ ەسىگىن ايقارا اشادى. ازىرگە اۋدان جۇرتشىلىعى جالتىر كەنتىندەگى بولىمشەدە ەم-دوم قابىلداپ جاتىر. ماسەلە دە جوق ەمەس. ءبىرىنشى كەزەكتە مەديتسينا ماماندارىنىڭ تاپشىلىعى. قازىر ونعا جۋىق مامان جەتىسپەيدى.
68 ەمدەلۋشىگە شاقتالعان نەگىزگى عيمارات, ەمحانا, جۇقپالى اۋرۋلار بولىمشەسى تولىقتاي كۇردەلى جوندەۋدەن وتەدى. ەسىك-تەرەزەسى اۋىستىرىلىپ, اۋرۋحانا اۋماعى اباتتاندارىلادى. ەلەكتر جانە كارىز جۇيەسى جاڭارتىلادى. بۇگىنگى تاڭدا قۇرىلىس جۇمىستارىنا 75 ادام جۇمىلدىرىلعان. مەردىگەر – «كوكشە-اۆتوماتيكا» كومپانياسى وكىلدەرىنىڭ ايتۋىنشا, جۇمىسقا نەگىزىنەن جەرگىلىكتى تۇرعىندار تارتىلعان.
