ايماقتار • 02 ماۋسىم، 2020

«نۇرلى جەر» باعدارلاماسى: قوستاناي وبلىسىندا 4،2 مىڭ پاتەر سالىنادى

19 رەت كورسەتىلدى

قوستاناي وبلىسىندا 2020-2025 جىلدارعا ارنالعان «نۇرلى جەر» مەملەكەتتىك باعدارلاماسى شەڭبەرىندە 379،3 مىڭ شارشى مەتر تۇرعىن ءۇي نەمەسە 4،2 مىڭ پاتەر سالۋ جوسپارلانعان. ونىڭ 237،1 مىڭ شارشى مەترى – كوپ پاتەرلى تۇرعىن ءۇي، 142،2 مىڭ شارشى مەترى – جەكە ۇيلەر.

بيىل العاشقى توقسان قورىتىندىسى بويىنشا وبلىستا 1 119 پاتەر پايدالانۋعا بەرىلگەن. بۇل تۋرالى وڭىرلىك كوممۋنيكاتسيالار قىزمەتى الاڭىندا ءباسپاسوز جيىنىن وتكىزگەن قۇرىلىس، ساۋلەت جانە قالا قۇرىلىسى باسقارماسىنىڭ باسشىسى بەرىك تاڭجارىقوۆ بايان ەتتى.

«نۇرلى جەر» باعدارلاماسىنا 2020 جىلى بيۋدجەتتەن 18،2 ملرد تەڭگە قاراستىرىلىپ وتىر. ونىڭ 2 ملرد تەڭگەگە جۋىعى تۇرمىسى تومەن تۇرعىندارعا ءۇي سالۋعا جۇمسالماق. مۇنىڭ سىرتىندا، كوپ بالالى وتباسىلارعا ارنالعان 108 پاتەر ساتىپ الۋ جوسپاردابار. بۇگىنگە دەيىن بۇل ماقساتتا قوستاناي قالاسىنان 58 پاتەر ساتىپ الىنىپتى.

جۇمىسپەن قامتۋدىڭ جول كارتاسى اياسىندا كوپ پاتەرلى 5 تۇرعىن ءۇيدى قايتا جاڭارتۋعا جانە 2 ءۇي تۇرعىزۋعا 1،2 ملرد تەڭگە كولەمىندە قاراجات بولىنگەن.

باسقارما باسشىسىنىڭ ايتۋىنشا، بيىل «اۋەجاي» شاعىن اۋدانىندا كوپ قاباتتى 4 تۇرعىن بوي كوتەرەدى. ال 2021 جىلى 108 پاتەرلى تاعى ءبىر كوپ قاباتتى تۇرعىن ءۇي سالىنادى. بيىل، سونىمەن قاتار، «يۋبيلەينىي» شاعىن اۋدانىندا بيۋدجەت قاراجاتىنا 6 ءۇي جانە كوممەرتسيالىق ماقساتتا 5 ءۇي تۇرعىزىلماق.

 

قوستاناي وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار