ايماقتار • 02 ماۋسىم، 2020

قوستاناي وبلىسىندا جولدار جوندەلەدى

8 رەت كورسەتىلدى

بيىل ايماقتا اۆتوكولىك جولدارىن جوندەۋگە جالپى كولەمى 44،9 ملرد تەڭگە قاراستىرىلىپ وتىر. ماسەلەن، «نۇرلى جول» باعدارلاماسى اياسىندا 18،5 ملرد تەڭگە، ال «جۇمىسپەن قامتۋ جول كارتاسى» بويىنشا 20،3 ملرد تەڭگە يگەرىلمەك. سونداي-اق، «اۋىل – ەلبەسىگى» ارنايى جوباسى شەڭبەرىندە 6،1 ملرد تەڭگە  قاراستىرىلىپ وتىر.

بۇگىن ايماق باسشىسى ارحيمەد مۇحامبەتوۆ قالا جانە اۋدان اكىمدەرىنىڭ باسىن قوسىپ، اتالمىش جوبالاردى جۇزەگە اسىرۋ بارىسىن پىسىقتادى. 

جولاۋشىلار ترانسپورتى جانە اۆتوكولىك جولدارى باسقارماسىنىڭ باسشىسى ولجاس نۇرعاليەۆتىڭ ايتۋىنشا، بيىل «نۇرلى جول» باعدارلاماسى شەڭبەرىندە 517 شاقىرىم  جولعا جوندەۋ جۇرگىزىلمەك.  بۇگىنگە دەيىن «جۇمىسپەن قامتۋ جول كارتاسى» بويىنشا  146 جوباعا قاتىستى كونكۋرس جاريالانىپ، مەردىگەرلەر انىقتالعان.   مۇنىڭ سىرتىندا «اۋىل – ەلبەسىگى» ارنايى جوباسى مەن جەرگىلىكتى بيۋدجەت ەسەبىنەن 98 جوبا قولعا الىنىپ وتىر. باسقارما باسشىسى، سونىمەن قاتار «جۇمىسپەن قامتۋ جول كارتاسى» باعدارلاماسى اياسىندا 105 نىساندا قۇرىلىس-مونتاج جۇمىستارى باستالعانىن ايتتى. اتالمىش باعدارلاما 5 مىڭعا جۋىق ادامدى جۇمىسپەن قامتىپ وتىر. ونىڭ جارتىسىنا جۋىعى ەڭبەكپەن قامتۋ ورتالىقتارى ارقىلى ورنالاسقان جەرگىلىكتى تۇرعىندار. 

        

قوستاناي وبلىسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار