ايماقتار • 02 ماۋسىم، 2020

اپتاپ ىستىقتا قالاي قورعانامىز؟

116 رەت كورسەتىلدى

جاز مەزگىلى ەندى باستالعانىنا قاراماستان، ەلوردادا كۇن ىسىپ ۇلگەردى. بۇگىنگى كۇننىڭ وزىندە تەرمومەتر باعانالارى 30 س-تان جوعارى. ال ەڭ ىستىق ماۋسىم ءالى ءۇش اي جالعاسادى.

كۇننەن قورعانۋمەن قاتار جۇمىسقا دەگەن قابىلەتتى قالاي ارتتىرۋعا بولادى؟ بۇل تۋرالى اكىمدىكتىڭ رەسمي سايتى رەداكتسياسى №11 قالالىق ەمحانانىڭ پاتسيەنتتەردى قولداۋ جانە ىشكى اۋديت قىزمەتىنىڭ جەتەكشىسى ماريا اكيمەنكومەن اڭگىمەلەستى. ونىڭ ايتۋىنشا، ەڭ باستىسى كۇن استىندا ۇزاق وتىرماۋ قاجەت.

«ەگەر كولەڭكەدە جاسىرىنۋعا مۇمكىندىك بولسا، سولاي جاساڭىز. ىستىقتا دۇرىس كيىم كيۋ كەرەك. كيىمىڭىز دەنەنىڭ بارلىق جەرىن جاباتىن، كەڭ ۇلگىدە بولعانى جاقسى. قىسقا شالبار مەن مايكا كيگەن ارينە جاقسى، بىراق كۇن استىندا ۇزاق جۇرۋگە قولايلى ەمەس. دەنەنىڭ اشىق بولىگىنە تەك كۇن ساۋلەسى ءتۇسىپ قانا قويماي، كۇيىك شالۋى مۇمكىن»، – دەيدى م.اكيمەنكو.

ىستىق كەزدە اسىرەسە باستان كۇن وتۋدەن ساقتانۋ كەرەك.

«پاناما، قالپاق نە اشىق ءتۇستى كەپكا اسا قاجەت بولادى. جانە سۋدى كوپ ءىشۋ كەرەك. تەك قانا سۋ ەمەس، قانتسىز شىرىن، يتمۇرىن قايناتپاسى، جوكە نەمەسە جەبىرشوپ، ليموندى سۋ، كومپوتتار تاماق قۇرعاۋدان قۇتقارادى. سونداي-اق تۇزدىڭ پايدا بولۋىنا بايلانىستى، سۋ-تۇز بالانسىن قالپىنا كەلتىرەتىن گازدالماعان مينەرالدى سۋمەن جانە يزوتونيكتەرمەن ءشول قاندىرۋ پايدالى. الكوگولدەن اۋلاق بولىڭىز. ىشىمدىك ءشولدى كۇشەيتەدى»، – دەيدى مامان.

تەمەكى شەگۋدەن باس تارتقان ابزال. سەبەبى ول جۇرەك-قانتامىر جۇيەسىنىڭ جۇمىسىن ناشارلاتادى جانە قانداعى وتتەگى اينالىمىنا كەدەرگى كەلتىرىپ، ونى قويۋلاتادى.

«كريوتەراپيا كومەكتەسۋى مۇمكىن. سالقىن زاتتى قولعا، قۇلاقتىڭ ارتىنا جانە ليمفا تۇيىندەرىنە باسۋعا بولادى»، – دەپ تۇسىندىرەدى م.اكيمەنكو.

سونداي-اق ىستىق كەزدە اۋىر تاعامداردان، قۋىرىلعان، تۇزدى مايلى تاعامداردان اۋلاق بولۋ كەرەك. تۇز اعزاداعى سۋدى توقتاتىپ، جىلۋ بەرۋدى ناشارلاتادى. جاڭا پىسكەن جەمىستەر مەن كوكونىستەردى ءجيى جەۋ قاجەت. ماسەلەن، كۇنىنە 5-6 رەت جەۋگە بولادى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار