جوبا «نۇرلى جول» جانە «جۇمىسپەن قامتۋدىڭ جول كارتاسى» باعدارلاماسىنىڭ اياسىندا جۇزەگە اسىرىلماقشى. وبلىس اۋماعىنداعى اۆتوموبيل جولدارىنىڭ ۇزىندىعى 7 مىڭ شاقىرىمنان اسادى. بيىل «نۇرلى جول» جانە «جۇمىسپەن قامتۋدىڭ جول كارتاسى» مەملەكەتتىك باعدارلامالارى اياسىندا 700 شاقىرىم جول جوندەلمەكشى. بۇدان بولەك, 100-دەن استام سۋ وتكىزۋ قۇبىرىنىڭ قۇرىلىسى باستالادى. سونداي-اق, جول بويىنا 500-دەن استام بەلگى مەن 400 دىبىستىق باعانا ورناتۋ جوسپارلانىپ وتىر.
– بيىل جول ساپاسى كورسەتكىشىن 78 پروتسەنتكە جەتكىزۋدى جوسپارلاپ وتىرمىز. مەملەكەت باسشىسىنىڭ تاپسىرماسىنا سايكەس 2025-ءشى جىلى بۇل كورسەتكىش 95 پروتسەنت بولۋى ءتيىس. جوبا «نۇرلى جول» باعدارلاماسىنىڭ بىرنەشە تارماعى بويىنشا جۇزەگە اسىرىلماقشى. مونوقالالار مەن وڭىرلەردى دامتۋعا ارنالعان كەشەندى جوسپار قۇرىلعان,–دەيدى وبلىستىق جولاۋشىلار تاسىمالى جانە اۆتوموبيل جولدارى باسقارماسىنىڭ ءبولىم جەتەكشىسى ادىلەت انۋاربەكوۆ.
بيىل «بالكاشينو-شاڭتوبە», «اقسۋ-بەستوبە-يزوبيلنوە», «ەلەنوۆكا-چيستوپولە-ەسيل» باعىتىنداعى جولدار جوندەلەدى. سونىمەن قاتار بۇل جۇمىس «قونىسباي-سەيفۋللين-قىزىلسايا», «پەتروۆكا-وستروگوركا-مارينوۆكا», «اتباسار-قيما», «جاڭا كولۋتون-اقكول-مينسكوە» اۋىلدارىنىڭ ارالىعىندا دا جۇرگىزىلمەكشى. اۆتوبۋس پاۆيلوندارىن سىرلاۋ, اباتتاندىرۋ, كۇل-قوقىستان تازارتۋ, كوشەلەرگە قيىرشىق تاس توسەۋ ماسەلەسىنە دە ەرەكشە نازار اۋدارىلماقشى.
