ماراپات يەگەرلەرىنىڭ ىشىندە بەيىمبەت مايلين اۋدانىنداعى ورتالىق اۋرۋحانا قىزمەتكەرى ازامات اسيموۆ تە بار.
- جۇبايىمىز ەكەۋمىز ءتورت بالا تاربيەلەپ وتىرمىز. كۇنى-ءتۇنى جۇمىستا جۇرگەندىكتەن, وڭاي تيگەن جوق. بالالار قاتتى ساعىنىپ قالىپتى. سوڭعى كەزدەرى كۇن رايى دا قاتتى ىسىپ كەتتى. ىستىققا قاراماستان, ارنايى كيىم كيىپ, تۇمشالانىپ الدىق. اينالا – ايدالا. جالعىز پانامىز - ۆاگوننىڭ ءىشى دە قاپىرىقتانىپ قايناپ كەتتى. سونىڭ بارىنە شىدادىق. اسىرەسە, شەكارا جابىلماي تۇرعاندا, العاشقى ساتتەرى وتە اۋىر بولدى. ادامدار ساۋالداما تولتىرعىسى كەلمەيدى. قولىنا ۇستاتقان قاعازىڭدى لاقتىرىپ جىبەرەتىندەر دە كەزدەستى. بىرتە-بىرتە دۇرىستالدى. باستىسى – تۇرعىنداردىڭ قاۋىپسىزدىگى ءۇشىن قىزمەت ەتتىك, - دەيدى ا.اسيموۆ.
توسقاۋىل بەكەتتەرىنەن ورالعان دارىگەرلەر مەن پوليتسيا قىزمەتكەرلەرىن وبلىس اكىمىنىڭ ءبىرىنشى ورىنباسارى عاۋەز نۇرمۇحامبەتوۆ العىس ءبىلدىرىپ, قۇرمەت گراموتالارىن جانە ىشكى ىستەر مينيسترلىگىنىڭ اتاۋلى ساعاتتارىن تابىس ەتتى.
- ءبىز ەل ىشىنە توتەنشە جاعداي ەنگىزىلىسىمەن, وبلىس شەكاراسىنا توسقاۋىل بەكەتتەرىن قويدىق. ول جەردە پوليتسەيلەر, دارىگەرلەر, قورعانىس مينيسترلىگىنىڭ قىزمەتكەرلەرى مەن جەرگىلىكتى اتقارۋشى ورگان وكىلدەرى بەل جازباي ەڭبەك ەتتى. وزدەرىنىڭ كاسىبي شەبەرلىگى مەن وتانسۇيگىشتىگىنىڭ ارقاسىندا ولار ىندەتتىڭ تارالۋىنا جول بەرمەي, وبلىس اھۋالىنىڭ تۇراقتىلىعىن ساقتاپ قالا الدى, - دەدى ع.نۇرمۇحامبەتوۆ.
قوستاناي وبلىسى
