سونداي-اق كوشە اتاۋلارىنىڭ جازىلۋىندا دا كەمشىلىكتەر جەتەرلىك. ياعني, ءبىر كوشەنىڭ وزىندە ەكى اتاۋ جازىلعان. بۇرىنعى كۋيبىشەۆ كوشەسىنە بەلگىلى قوعام قايراتكەرى ماقتاي ساعديەۆتىڭ ەسىمى بەرىلگەن بولاتىن. باقانداي ەكى جىل وتسە دە, كوشەنىڭ ەكى بەتىندە ەسكى اتاۋى مەن جاڭا اتاۋى قابات جازۋلى تۇر. قالا بويىنشا وسىنداي كوشەلەر كوپ. ماسەلەن, ءۋاليحانوۆ كوشەسىندە وسىنداي قاتەلىكتەر جەتىپ ارتىلادى. سالا ماماندارىنىڭ ايتۋىنشا, بۇل كۇنى وبلىس ورتالىعىندا 56 كوشەنىڭ اتاۋى وزگەرتىلگەن.
– ءبىز بيىل ۇيلەردەگى 980 انشلانگتى اۋىستىرامىز دەپ وتىرمىز جانە 181 كوشە باعىتتاۋشى بەلگىلەردى اۋىستىرامىز. بۇل جۇمىسقا جەرگىلىكتى بيۋدجەتتەن 7 ملن 800 مىڭ تەڭگە قارجى ءبولىندى, – دەيدى قالالىق تۇرعىن ءۇي-كوممۋنالدىق شارۋاشىلىعى ءبولىمىنىڭ سەكتور مەڭگەرۋشىسى مارات ايجارىقوۆ.
سونىمەن قاتار كوشەدەگى جازىلعان جارناما مەن كورنەكى اقپارات ماتىندەرىندەگى قاتەلەر دە بىردەن كوزگە تۇسەدى. اتاپ ايتساق, قازاق ءتىلىن بۇرمالاپ, سوزدەردى قاتە جازۋ, ورىس تىلىنەن تۋرا ماعىنادا اۋدارۋ سياقتى ولقىلىقتار ورىن الادى. وسىنداي كەمشىلىكتەردىڭ الدىن-الۋ باعىندا وبلىستىق ىشكى ساياسات باسقارماسىندا «جەدەل جەلى» كونسۋلتاتسيالىق كومەك بەرۋ جۇمىستارى جۇرگىزىلگەن. وسى جىلدىڭ 4 ايىندا جەكە كاسىپكەرلەر تاراپىنان 200-دەن استام قوڭىراۋ شالىنىپ, سۇراقتارعا جاۋاپ بەرىلگەن.
– ءتىل تۋرالى زاڭنىڭ 21-بابىنا سايكەس كورنەكi اقپاراتتىڭ بارلىق ءماتiنi مەملەكەتتiك تiلدە – سول جاعىنا نەمەسە جوعارعى جاعىنا, ورىس تiلiندە وڭ جاعىنا نەمەسە تومەنگi جاعىنا ورنالاسىپ, بiردەي ولشەمدەگi ارiپتەرمەن جازىلۋى قاجەت. بىراق وسى تالاپتار ورىندالا بەرمەيدى. كەيبىر كاسىپكەرلەرىمىز ءوز جارنامالارىن تەك ورىسشا جازۋدى قۇپ كورەدى. ءبىز ماۋسىم ايىنان باستاپ ارنايى اكتسيا جۇرگىزەمىز. سول اكتسيا اياسىندا قاتە جازىلعان جارنامالارعا, زاڭناماعا قايشى كەلەتىندەرگە ەسكەرتۋلەر جاسالىپ, ۇسىنىس حاتتار جىبەرىلەدى, – دەيدى وبلىستىق ىشكى ساياسات باسقارماسى تىلدەردى دامىتۋ جانە ونوماستيكا ءبولىمىنىڭ جەتەكشىسى ايگۇل تالپاقوۆا.
ءيا, قۇزىرلى ورىنداردىڭ قۇزىرەتتىلىگى شەكتەۋلى. وسى رەتتە, وبلىستىق ىشكى ساياسات باسقارماسى «ساۋاتتى جارناما» اتتى ونلاين بايقاۋ جاريالادى. بايقاۋ شارتى بويىنشا قالا كوشەلەرىندەگى ءتىل زاڭنامالارىن بۇزعان جارنامالار مەن كورنەكى اقپاراتتاردى سۋرەتكە ءتۇسىرىپ, مەكەنجايىن بەلگىلەپ, باسقارمانىڭ ەلەكتروندى پوچتاسىنا جىبەرۋ كەرەك. وعان كەز-كەلگەن ادام قاتىسا الادى. جەڭىمپازدارعا اقشالاي سىياقىلار تابىستالادى. بايقاۋ قورىتىندىسى 30 ماۋسىمدا شىعادى. بۇل بايقاۋ قالا كوشەلەرىندەگى كوز سۇرىندىرەتىن جارنامالارداعى قاتەلەردىڭ ازايۋىنا سەپتىگىن تيگىزەرى ءسوزسىز.
كوكشەتاۋ قالاسى
