كراسنىي يار اۋىلىنىڭ جولدارىن جوندەۋ جۇمىستارىنا 640 ميلليون تەڭگە بولىنگەن بولاتىن. قازىر جول توسەمدەرىنىڭ ساپاسىنا مونيتورينگ جۇرگىزىلدى.
– جول بويىنداعى قۋىستاردى بىتەۋگە قاتىستى كەمشىلىكتەر انىقتالدى. ياعني, اسفالت بەتونىن توسەۋ الدىندا ەمۋلسيا توگىلمەگەن. بۇل بولاشاقتا اسفالبەتوننىڭ نەگىزگى بولىكپەن بىتىسۋىنە كەدەرگى كەلتىرەدى. سونداي-اق اسفالت بەتوندىق توسەمنىڭ تومەنگى بولىگىندەگى وزەكتىڭ ساپاسى دا تەكسەرىلۋدە. ولار جول اكتيۆتەرى ساپاسىنىڭ ۇلتتىق ورتالىعىنداعى لابوراتوريادا زەرتتەلەدى, – دەيدى جول اكتيۆتەرى ساپاسى ۇلتتىق ورتالىعى فيليالىنىڭ مامانى تالعات ءجۇسىپوۆ.
ساراپتامادان كەيىن جولدىڭ ساپاسىنا قاتىستى ارنايى شەشىم شىعارىلماق. ونىڭ جارامدى نە جارامسىز ەكەندىگى زەرتتەۋدەن كەيىن بەلگىلى بولادى. ايتا كەتەيىك, مونيتورينگتىك توپ وكىلدەرىندە وبلىس ورتالىعىنداعى جولداردىڭ جاعدايىنا قاتىستى دا ساۋالدار تۋىنداپ وتىر.
– كوكشەتاۋ قالاسىندا دا جول جوندەلۋدە. دەگەنمەن, ارنايى قاقپاقشالاردىڭ ساپاسى سىن كوتەرمەيدى. وسىعان وراي مەردىگەرلەر كەمشىلىكتى جويۋى كەرەك, – دەيدى ارنايى مونيتورينگتىك توپتىڭ جەتەكشىسى حاسان ەردەنوۆ.
«ساپالى جول» باعدارلاماسى شەڭبەرىندە مۇنداي ساراپتامالىق باقىلاۋ ۇدايى جۇرگىزىلمەك. وڭىردەگى بارلىق جولداردى جوندەۋ جۇمىستارى نازاردا بولادى.
