جازىقسىز قۇربان بولعاندارعا قۇرمەت كورسەتۋ ءۇشىن قۋات ەجەمبەك ەستەۋ نۇسىپبەكوۆتىڭ «قۋعىن-سۇرگىن قۇرباندارىنىڭ كەسەنەسىندە» ولەڭىن وقىدى. زوبالاڭ ۋاقىت قۇرباندارىن ەسكە الۋ بارىسىندا ەلوردالىق فيلارمونيانىڭ باس ديرەكتورى ەرلان داكەنوۆ ساياسي قۋعىن-سۇرگىن جىلدارىنىڭ تاريحتىڭ قايعىلى بەتتەرى بولعانىن اتاپ ءوتتى.
«ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى − ەل تاريحىنداعى ەرەكشە كۇن. ءبىز قاتىگەز توتاليتارلىق جۇيەدەن زارداپ شەككەن ادامداردى, ۇلتتىق ينتەلليگەنتسيانىڭ وكىلدەرى - جازىقسىز قازا تاپقان ءاليحان بوكەيحانوۆ, ءىلياس جانسۇگىروۆ, ماعجان جۇماباەۆ, بەيىمبەت مايلين جانە ت.ب. قۇربانداردى ماڭگى ەستە ساقتاۋىمىز كەرەك», - دەدى ول.
ەرلان داكەنوۆ ءبىزدىڭ حالقىمىزدىڭ باسىنا تۇسكەن بارلىق قيىندىقتارعا قاراماستان, قازاقستاندىقتاردىڭ قوناقجاي ەكەنىن اتاپ ءوتتى.
ء«بىزدىڭ جەرىمىز, قازاقستان پرەزيدەنتى قاسىم-جومارت توقاەۆ اتاپ وتكەندەي, توتاليتاريزمنەن زارداپ شەككەن كوپتەگەن حالىقتار ءۇشىن قۇتتى مەكەنگە اينالدى. ءبىز تاريحىمىزدىڭ قايعىلى بەتتەرىن ەسكە تۇسىرە وتىرىپ, تاۋەلسىز قازاقستاننىڭ بولاشاعىن جاساي الامىز. ماڭگىلىك تىنىشتىق بولسىن!», - دەپ تولىقتىردى.
