بۇگىن اقش پرەزيدەنتى باراك وباما امەريكالىق بيۋدجەتتىڭ بەكىتىلۋىنە بايلانىستى تۋىنداعان ماسەلەلەرگە وراي مالايزيا مەملەكەتىنە ساپارىن كەيىنگە قالدىردى. بۇل تۋرالى ريا «نوۆوستي» حابارلادى.
امەريكا پرەزيدەنتى 11 قازاندا وتەتىن وڭتۇستىك-شىعىس ازيا مەملەكەتتەرى باسشىلارىنىڭ سامميتىنە قاتىسۋى كەرەك ەدى. الايدا, ول جوعارىداعى ماسەلەگە بايلانىستى بارا الماي وتىر.
جالپى, ورتاق مامىلەنىڭ بولماۋىنا بايلانىستى ون جەتى جىلدا ءبىرىنشى رەت اقش مەملەكەتتىك اپپاراتىن قارجىلاندىرۋ ماسەلەسى تىعىرىققا تىرەلدى. ال كەشە مۇنداعى كوپتەگەن مەملەكەتتىك مەكەمەلەر ءوز جۇمىستارىن ۋاقىتشا توقتاتتى. وسىعان بايلانىستى 800 مىڭ قىزمەتكەردىڭ ەڭبەك دەمالىسىنا ماجبۇرلىكپەن شىعۋى مۇمكىن.
ايدار ورىسباەۆ.
