فوتو اۆتورى: ماكسيم زولوتۋحين
جيىن بارىسىندا الماتىدا كورونا-داعدارىسقا دەيىن جۇمىس ىستەپ تۇرعاندارىنىڭ 76 پايىزى اينالىمدا قارجى قالماعاندىقتان, قيىن جاعدايدا ەكەنى بەلگىلى بولدى. ەگەر, جاعداي وسىلاي جالعاسا بەرسە, الماتىداعى تۋريستىك اگەنتتىكتەردىڭ 21 پايىزى بانكروت بولۋى ابدەن مۇمكىن. «نەسيە الۋ قيىنداپ كەتتى. سەبەبى كۇنى بۇگىنگە دەيىن قىزمەت كورسەتۋ ورىندارى ءجيى جالعا بەرىلەدى. قارجى ينستيتۋتتارىنىڭ كەپىلدىگىمەن تۋريزم سۋبەكتىلەرىن نەسيەلەۋ مۇمكىندىگىن قاراستىرۋ كەرەك», دەيدى شايكەنوۆا.
كاسىپكەرلەر سياقتى, تۋريستىك يندۋسترياسىنىڭ وكىلدەرى ەندى از كۇندە جۇمىسقا ورالاتىن قىزمەتكەرلەرىنە جالاقى تولەۋ ماسەلەسى شىنداپ ويلاندىرا باستادى. سەبەبى كوپتەگەن قىزمەتكەرلەر جالاقىسىز ەڭبەك دەمالىسىنا كەتۋگە ءماجبۇر بولعان. سول سەبەپتى سالا وكىلدەرى ەدب ارقىلى جەڭىلدەتىلگەن نەسيە بەرۋدى كوزدەيتىن تۋريستىك باعدارلامانى ازىرلەۋ تۋرالى ۇسىنىسپەن شىعۋدى ويلاستىرا باستادى.
