ايماقتار • 30 مامىر، 2020

تاپا-تالتۇستەگى توتەنشە جاعداي

49 رەت كورسەتىلدى

پەتروپاۆلدىڭ كوشەسىمەن ءتۇزۋ جۇرە الماي، بۇرالاڭداپ، سوعىلىپ قالا جازداپ، ونىڭ ۇستىنە قاتتى ءجۇرىپ كەلە جاتقان اۆتوبۋس تۋرالى دابىل پوليتسياعا شامامەن ءتۇس اۋىپ بارا جاتقاندا تۇسەدى. جەدەل باقىلاۋ ورتالىعىنىڭ قىزمەتكەرلەرى وقيعا ورنىنا پاترۋلدىك پوليتسيا باتالونىنىڭ اۆتوپاترۋلدەرىن جىبەرگەن. اۆتوبۋس ت.مۇحامەد-راحيموۆ كوشەسىندە توقتاتىلادى. ول «31 م» باعىتىمەن جولاۋشىلار تاسيتىن اۆتوبۋس ەدى.

20-30 ادامدى اكەلە جاتقان اۆتوبۋس جۇرگىزۋشىسىنىڭ اۋزىنان الكوگولدىڭ ءيىسى اڭقىپ تۇرعان. مۇنى جولاۋشىلار دا راستاپ، جۇرگىزۋشىنىڭ تاپ ساۋ ادام ەمەس ەكەنىن سەزىپ وتىرعاندارىن ايتىپ، شۋلاپ قويا بەردى. جاۋاپ الۋ كەزىندە 54-جاسار جۇرگىزۋشى ءوزىنىڭ ىشىمدىك ىشكەنىن مويىندايدى.

بۇل توتەنشە جاعداي ەدى. ماساڭ جۇرگىزۋشى ءوزىنىڭ عانا ەمەس سالونىنداعى بارلىق جولاۋشىلاردىڭ، قالا بەردى كوشە بويىنداعى ادامدار مەن كولىكتەرگە مىنگەن جانداردىڭ ومىرىنە قاۋىپ توندىرگەنىن تۇسىنبەگەن. جاسى بىرازعا كەلسە دە ول ماساڭ كۇيدە كولىككە مۇلدە وتىرۋعا بولمايتىنىن بىلمەيتىن سەكىلدى. مۇنداي جۇرگىزۋشىلەر بۇرىن ەركىن دالادا، اۋىلدى جەرلەردە تۇرىپ، كەيىن قالاعا كوشىپ كەلگەندەردىڭ اراسىنان عانا شىعۋى مۇمكىن. ول جاعى ەندى تەكسەرىس بارىسىندا انىقتالادى.

ءسويتىپ، پەتروپاۆلدىڭ ساقشىلارى زاردابى اسا اۋىر بولىپ، بىرنەشە ادامنىڭ ءومىرىن قيۋى مۇمكىن بولعان قاتەردىڭ الدىن الدى. بۇل ىستە ولارعا جەرلەستەرىنە نەمقۇرايلىلىق كورسەتپەگەن كوشەدەگى ازاماتتار كومەكتەستى. ەگەر ولاردىڭ دابىلى بولماسا بالكي اۆتوبۋس جكو كەزىندە ءبىر-اق توقتاتىلار ەدى. ال ونىڭ زاردابىن كوزگە ەلەستەتۋدىڭ ءوزى قورقىنىشتى.  

قازىر پوليتسيا اتالعان فاكتى بويىنشا اكىمشىلىك قۇقىق بۇزۋشىلىق كودەكسىنىڭ 608-بابىمەن ماتەريالدار تولتىرىلىپ، پروتسەسسۋالدىق شەشىم قابىلداۋ ءۇشىن پەتروپاۆل قالاسىنىڭ مامانداندىرىلعان اكىمشىلىك سوتىنا جولدادى. بۇل باپپەن جۇرگىزۋشى 15 تاۋلىككە دەيىن اكىمشىلىك قاماۋعا الىنۋى، سونداي-اق جەتى جىلعا جۇرگىزۋشى كۋالىگىنەن ايىرىلۋى مۇمكىن.

سونداي-اق، وسىنداي جۇرگىزۋشىنىڭ جۇمىسقا شىعۋىنا جول بەرگەن اۆتوبۋس يەسىنە قاتىستى اكىمشىلىك ىقپال ەتۋ شارالارىن قابىلداۋ ءۇشىن اكىمشىلىك قۇقىق بۇزۋشىلىق ماتەريالدار اكىمشىلىك پوليتسيا بولىمىنە جىبەرىلدى.

پوليتسيا دەپارتامەنتى باستىعىنىڭ ءبىرىنشى ورىنباسارى، پوليتسيا پولكوۆنيگى قانات ايتباەۆتىڭ ايتۋىنشا، جۇرگىزۋشىنىڭ ماساڭ كۇيدە بولعانى تۋرالى پوليتسياعا شۇعىل حابارلاعان جولاۋشىلاردىڭ قىراعىلىعى اتالعان فاكتىنىڭ قايعىلى جاعدايمەن اياقتالۋىن بولدىرماعان. سول ءۇشىن پولكوۆنيك دابىل قاققان تۇرعىندارعا العىس ايتاتىنىن جەتكىزدى.  

پەتروپاۆل

سوڭعى جاڭالىقتار

سويلەۋ – اقىلدىڭ ولشەمى

قوعام • بۇگىن، 07:03

جەرى دە، ەلى دە ابىز

رۋحانيات • بۇگىن، 06:57

«جىرى» بىتپەيتىن جول

قوعام • بۇگىن، 06:48

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

ۇقساس جاڭالىقتار