قازاقستان • 29 مامىر، 2020

ءبىرىنشى كەزەڭدە 54 پويىز جۇرگىزىلەتىن بولادى

35 رەت كورسەتىلدى

13 مامىردا كوروناۆيرۋس ينفەكتسياسىن بولدىرماۋ ماقساتىندا وتكەن ۆەدومستۆاارالىق كوميسسيا وتىرىسىندا مەملەكەت ىشىندە جولاۋشىلار پويىزدارى قاتىناسىن جاڭعىرتۋعا قاتىستى شەشىم قابىلداندى.

جولاۋشىلار پويىزدارىن جونەلتۋ 2020 جىلى 1 ماۋسىمنان باستاپ حالىقتىڭ تالابىنا جانە ايماقتاردىڭ ەپيدەميولوگيالىق جاعدايىنا بايلانىستى دەڭگەيلى جۇرگىزىلەتىن بولادى.

باستاپقى كەزدە، 54 پويىز جۇرگىزىلەتىن بولادى، ونىڭ ىشىندە نۇر-سۇلتان – الماتى، ماڭعىستاۋ، وسكەمەن، سارىاعاش، سەمەي، ارقالىك، پاۆلودار، پەتروپاۆل/قىزىل تۋ، ورال، جەزقازگان، قىزىلوردا; الماتى – شىمكەنت، پاۆلودار، اقتوبە، ماڭعىستاۋ، سارىاعاش، وسكەمەن، جەزقازگان، ورال، پەتروپاۆل، قوستاناي; كىزىلوردا – سەمەي، كوكشەتاۋ، پەتروپاۆل; قوستاناي – قاراعاندى; ارقالىك; قاراعاندى – جەزقازعان; قىزىلوردا – كوكشەتاۋ، پەتروپاۆل، ماڭعىستاۋ – اقتوبە باعىتتارى جانە قالا ماڭى قاتىناستارى.

ەكىنشى كەزەڭدە، 10 ماۋسىمنان باستاپ 39 پويىزدىڭ جۇرگىزىلۋى جوسپارلانىپ وتىر، ونىڭ ىشىندە نۇر-سۇلتان-الماتى، اتىراۋ-دوستىق، ورال، ايسارى،شىمكەنت; الماتى-اتىراۋ،اقتوبە،ورال،وسكەمەن،تۇركىستان،پەتروپاۆل; اتىراۋ-ماڭعىستاۋ، اقتوبە، قۇلسارى، كاراباتانو باعىتتارى جانە قالا ماڭى باعىتتارى.

ءۇشىنشى كەزەڭدە، ايماقتاردا سانيتارلىق-ەپيدەميولوگيالىق جاعدايدىڭ جاقسارۋىنا قاتىستى، سونىمەن بىرگە كورشىلەس مەملەكەتتەرمەن كەلىسكەننەن سوڭ 15 پويىزدىڭ جۇرگىزىلۋى جوسپارلانىپ وتىر، ونىڭ ىشىندە الماتى-تاشكەنت، ساراتوۆ، ءۇرىمشى، نوۆوسيبيرسك، كازان; نۇر-سۇلتان –چەليابينسك; قاراعاندى-موسكۆا، ومسك، تومسك; اتىراۋ-استراحان باعىتتارى.

قازىرگى كەزدە، جولاۋشى بيلەتتەر ساتىلىمى اشىلدى (اعىمداعى جىلى 15 مامىردان باستاپ)، سونىمەن بىرگە تاسىمالداۋ پروتسەستەرى بارلىق ينفراسترۋكتۋرالىق وبەكتىلەر سانيتارلىق جاعدايلارعا سايكەس دايىن جانە قۇرامدار جونەلتىلۋگە دايىن. 

جولاۋشىلاردىڭ جانە پويىز بريگادا قىزمەتكەرلەرىنىڭ قاۋىپسىزدىگىن قامتاماسىز ەتۋ ءۇشىن كولىكتەگى مەملەكەتتىك باس سانيتارلىق دارىگەردىڭ ۇسىنىمدارىنا سايكەس جۇزەگە اساتىن بولادى.

سوڭعى جاڭالىقتار

ءبىر مينۋت ۇنسىزدىكپەن ەسكە الادى

قازاقستان • بۇگىن، 22:05

حالىق قيىندىقپەن كۇرەسكە كىرىستى

قازاقستان • بۇگىن، 21:54

سالماعى 92 گرامدىق پرينتەر

تەحنولوگيا • بۇگىن، 13:30

ۇقساس جاڭالىقتار