قازاقستاندىق كوماندانىڭ ساپىنان كەتكەندەر اراسىندا ءوز جەرلەستەرىمىز ماديار ىبىرايبەكوۆ, دامير رىسباەۆ, ماكسيم سەمەنوۆ, تالعات جايلاۋوۆ جانە كانادالىق داستين بويد سىندى ويىنشىلار بار. ءوز وتانداستارىمىزدان اراسىنداعى ەڭ تاجىريبەلىسى ماكسيم سەمەنوۆ پەن تالعات جايلاۋوۆ ەكەنى داۋسىز.
36 جاستاعى ماكسيم سەمەنوۆ 2013 جىلى ءياروسلاۆلدىڭ «لوكوموتيۆىنەن» «بارىسقا» اۋىسىپ, سول ۋاقىتتان بەرى ايتۋلى ۇجىمنىڭ ساپىندا ونەر كورسەتتى. 34 جاستاعى تالعات جايلوۆتىڭ دا جاسىنداي جارقىراعان كەزىن جانكۇيەرلەر ۇمىتا قويعان جوق. 25 جاستاعى دامير رىسباەۆ تافگاي رەتىندە تانىلدى. ولاردىڭ بارلىعى دا وسكەمەن حوككەي مەكتەپتەرىنىڭ تۇلەگى. ال 24 جاستاعى ماديار ىبىرايبەكوۆ كەلەشەگىننەن زور ءۇمىت كۇتتىرەتىن ويىنشىلاردىڭ ءبىرى.
ۇيەڭكى جاپىراقتار ەلىنىڭ وكىلى جايىندا ايتار بولساق, ونىڭ دا «بارىسقا» سىڭىرگەن ەڭبەگى ەرەن. وسىدان بىرەر جىل بۇرىن قازاقستاننىڭ ازاماتتىعىن العان 33 جاستاعى داستين بويد بۇل كۇندەرى ۇلتتىق قۇراما كوماندامىزدىڭ ساپىندا ونەر كورسەتۋدە.
