ايماقتار • 29 مامىر، 2020

قىزدار ۋنيۆەرسيتەتىندە وتاندىق ءتۋريزمدى دامىتۋ جايى تالقىلاندى

30 رەت كورسەتىلدى

«ەكوتۋريزم ارقىلى تۇراقتى دامۋعا: العىشارتتار مەن مۇمكىندىكتەر». وسىنداي تاقىرىپتا قازاق ۇلتتىق قىزدار پەداگوگيكالىق ۋنيۆەرسيتەتىندە رەسپۋبليكالىق سەمينار ءوتتى، دەپ حابارلايدى وقۋ ورنىنىڭ ءباسپاسوز جانە قوعاممەن بايلانىس قىزمەتى.

ونلاين فورماتتا ۇيىمداستىرىلعان باسقوسۋعا جاراتىلىستانۋ فاكۋلتەتىنىڭ عالىمدارى مەن وقىتۋشىلارى ۇيىتقى بولدى. وتاندىق ءتۋريزمدى دامىتۋدىڭ تىڭ تەتىكتەرى مەن باسىم باعىتتارى تالقىلانعان جيىنعا الماتى قالالىق تۋريزم باسقارماسىنىڭ ماماندارى مەن تۋريستىك ۇيىمداردىڭ وكىلدەرى جانە جوعارى وقۋ ورىندارىنىڭ پروفەسسور-وقىتۋشىلارى قاتىسىپ، ءوزارا پىكىر الماستى.

سەميناردى گەوگرافيا جانە تۋريزم كافەدراسىنىڭ مەڭگەرۋشىسى شاحيسلام لايسحانوۆ اشىپ، جۇرگىزىپ وتىردى. سونداي-اق شارادا جاراتىلىستانۋ فاكۋلتەتىنىڭ دەكانى قاجىمۇقان كىشىباەۆ ءسوز سويلەپ، كوتەرىلىپ وتىرعان تاقىرىپتىڭ ماڭىزدىلىعىنا توقتالدى. ول جەرگىلىكتى تۋريزم ماماندارىن دايارلاۋداعى قىزدار ۋنيۆەرسيتەتىنىڭ ءرولى مەن بۇگىندە وسى تاراپتا اتقارىلىپ جاتقان جۇمىستار تۋراسىندا دا اتاپ ءوتتى.

سونىمەن قاتار باسقوسۋ بارىسىندا الماتى قالالىق تۋريزم باسقارماسى باسشىسىنىڭ ورىنباسارى قاليبەك اقىلبەكوۆ «الماتى قالاسى مەن اگلومەراتسياسىندا ءتۋريزمدى دامىتۋ قادامدارى»، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ فيزيكالىق جانە ەكونوميكالىق گەوگرافيا كافەدراسىنىڭ پروفەسسورى وردانبەك مازباەۆ «تۇراقتى دامۋ جانە ءتۋريزمنىڭ ماسەلەلەرى»، قازاق ۇلتتىق قىزدار پەداگوگيكالىق ۋنيۆەرسيتەتىنىڭ بيولوگيا كافەدراسىنىڭ اعا وقىتۋشىسى دامەجان سادىقوۆا «قازاقستانداعى ەكوتۋريزمدى دامىتۋ مۇمكىندىكتەرى» جانە گەوگرافيا جانە تۋريزم كافەدراسىنىڭ اعا وقىتۋشىسى ايجان ساتىبالديەۆ «ەلىمىزدە ەكو جانە ەتنو ءتۋريزمدى دامىتۋدىڭ ماڭىزى»، م.ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ ەكولوگيا كافەدراسىنىڭ اعا وقىتۋشىسى ەرجان ابيكباەۆ «اۋليەاتا ءوڭىرىنىڭ كيەلى جەرلەرى جانە ونىڭ ايماقتىق ءتۋريزمدى دامىتۋداعى ءرولى»، «كومپاس» تۋريستىك كومپانياسىنىڭ مەنەدجەرى توعجان امانقۇلقىزى «ەكوتۋريزمدى دامىتۋدىڭ ارتىقشىلىعى مەن كەمشىلىكتەرى»، تاقىرىپتارىندا بايانداما جاساپ، پايىمدى ويلارىمەن ءبولىستى.

– تابيعاتتى ساقتاي وتىرىپ، ءتۋريزمدى دامىتۋ – ەل ەكونوميكاسىن تۇراقتى تابىسقا جەتەلەيدى. ول ءۇشىن قازاقستاندا العىشارتتار جەتەرلىك جانە مۇمكىندىكتەر مول. تۋريزم سالاسىن قالاي دامىتاتىندىعىمىز، وسى رەسۋرستاردى قالاي ۇتىمدى پايدالاناتىندىعىمىزبەن تىعىز بايلانىستى بولماق، – دەيدى سەمينارعا قاتىسۋشىلار.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

تالىمگەرلىككە ءازىر

رۋحانيات • بۇگىن، 07:21

كاسىپكەرلەر كومەككە كەلدى

قوعام • بۇگىن، 07:18

ۇقساس جاڭالىقتار