ايماقتار • 29 مامىر، 2020

كارانتيندىك شەكتەۋلەردى ساقتامايتىندار كوپ

14 رەت كورسەتىلدى

پەتروپاۆلدا ءبىر كۇننىڭ ىشىندە كارانتيندىك شارالاردىڭ 19 بۇزۋشىلىعى انىقتالدى. ول كاسىپكەرلەردىڭ كارانتيندىك شەكتەۋلەردى ساقتاۋىن پوليتسەيلەردىڭ تەكسەرۋ رەيدىنىڭ بارىسىندا بەلگىلى بولدى.

رەيدتەر پەتروپاۆل قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى ماماندارىمەن بىرگە جۇرگىزىلەدى. باستى نازارعا جولاۋشىلار كولىگى، ساۋدا ورىندارى الىنعان ەدى. جۇرگىزىلگەن 46 تەكسەرىستىڭ جارتىسىندا ءتۇرلى بۇزۋشىلىقتار انىقتالدى.

ەڭ ءجيى كەزدەسەتىنى – بەتپەردە كيمەي ءجۇرۋ بولدى. ماسەلەن، جەتى اۆتوبۋس جۇرگىزۋشىسى بەتپەردە تاعۋ رەجىمىن بۇزعان. تاعى ءبىر جۇرگىزۋشىدە جولاۋشىلاردان جول اقىسىن العان كەزدە اسا قاجەت قولعاپ پەن سانيتايزەر بولماي شىقتى. سونداي-اق، تەكسەرۋشىلەر ءۇي استىنداعى دۇكەندەردىڭ كىرەبەرىسىندە زارارسىزداندىرىلماي، قۇرعاپ جاتقان كىلەمشەلەردى انىقتادى. كوپ جاعدايدا ساتۋشىلاردىڭ بەتپەردەنى ءتيىستى تالاپپەن تاقپايتىنى نەمەسە بەتپەردەسىز جۇرەتىنى بەلگىلى بولدى. دۇكەندەردىڭ بىرىندە كەزەك كۇتىپ تۇرعان ادامدار جينالىپ قالعان، بۇل رەتتە دۇكەننىڭ ىشىندە كەمىندە ەكى ادام بولۋى ءتيىس، قالعاندارى الەۋمەتتىك اراقاشىقتى ساقتاپ، سىرتتا تۇرۋى كەرەك ەدى. «توتەنشە جاعداي رەجىمى توقتاتىلعانىنا قاراماستان، وبلىستا كارانتيندىك شەكتەۋلەر كۇشىن جويعان جوق»، - دەيدى پد باستىعى، پوليتسيا پولكوۆنيگى مارات تولەباەۆ.

ونىڭ ايتۋىنشا، وبلىستىڭ گەوگرافيالىق ورنالاسۋىن ەسكەرە وتىرىپ، جۇقتىرۋدىڭ جاڭا وشاقتارى ءالى دە بولۋى مۇمكىن. ءوڭىردىڭ قاۋىپسىزدىگى ءبىرىنشى كەزەكتە، تۇرعىنداردىڭ شەكتەۋلەرگە قانشالىقتى جاۋاپكەرشىلىكپەن قاراۋىنا بايلانىستى. بىرلەسكەن رەيدتىك ءىس-شارالار الداعى ۋاقىتتا دا جالعاسادى. ونىڭ ماقساتى – كارانتين جاعدايىنداعى ءجۇرىپ-تۇرۋ مادەنيەتىن قالىپتاستىرۋ بولىپ تابىلادى.

رەيد بارىسىندا جينالعان ماتەريالدار اكىمشىلىك قۇقىق بۇزۋشىلىق كودەكسىنىڭ 462-بابى بويىنشا شارا قولدانۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە تاپسىرىلدى.

 

پەتروپاۆل

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

تالىمگەرلىككە ءازىر

رۋحانيات • بۇگىن، 07:21

كاسىپكەرلەر كومەككە كەلدى

قوعام • بۇگىن، 07:18

تاريحي مۇرانى زەرتتەۋگە كىرىستى

ەڭ قىسقا اڭگىمە • بۇگىن، 07:16

ەرىكتىلەردىڭ ەلگە كومەگى

ايماقتار • بۇگىن، 07:13

ۇقساس جاڭالىقتار