ەستەرىڭىزگە سالا كەتەيىك, مەملەكەت باسشىسى قاسىم-جومارت توقاەۆتىڭ اعىمداعى جىلدىڭ اقپان ايىندا گەرمانياعا جۇمىس ساپارى اياسىندا Siemens AG كومپانياسىنىڭ اتقارۋشى ديرەكتورى دجو كەزەرمەن كەزدەسۋ وتكىزىپ, وندا قازاقستاننىڭ Siemens كومپانياسىمەن ينۆەستيتسيالىق ىنتىماقتاستىعىن نىعايتۋ پەرسپەكتيۆالارى تالقىلاندى.
ونلاين-كەزدەسۋ بارىسىندا قازاقستان ۇكىمەتى مەن Siemens الەمدىك تەحنولوگيالىق كونتسەرنى اراسىندا پرەمەر-ءمينيستردىڭ ورىنباسارى رومان سكليار مەن رەسەي جانە ورتالىق ازياداعى Siemens پرەزيدەنتى الەكساندر ليبەروۆ قول قويعان ءوزارا تۇسىنىستىك تۋرالى مەموراندۋمنىڭ ورىندالۋىن تالقىلاۋعا ەرەكشە نازار اۋدارىلدى.
ماسەلەن, قازاقستان ۇكىمەتى مەن Siemens ونەركاسىپ سەكتورىن تسيفرلاندىرۋ جانە اۆتوماتتاندىرۋ, زياتكەرلىك بەرۋ, ەلەكتر ەنەرگياسىن تاراتۋ جانە تۇراقتى ەنەرگيا ءوندىرۋ سياقتى سالالاردا ىنتىماقتاسۋعا كەلىستى. بۇدان بولەك ونلاين-كەزدەسۋ بارىسىندا تسيفرلاندىرۋ, دەنساۋلىق ساقتاۋ جانە ەنەرگەتيكا سالاسىن دامىتۋ ماسەلەلەرىنە ەرەكشە نازار اۋدارىلدى.
ينۆەستوردىڭ ايتۋىنشا, كومپانيا جاڭا ادىستەر مەن زاماناۋي تەحنولوگيالىق بازانى ەنگىزۋدى قوسا العاندا, تەحنولوگيالار سالاسىنداعى جەرگىلىكتى تاجىريبە مەن تەحنولوگيالىق ىنتىماقتاستىقتى دامىتۋعا مۇددەلى. كومپانيا وكىلدەرى تسيفرلاندىرۋدىڭ باسىم باعىتتارىن بىرلەسىپ پىسىقتاۋدى, نورماتيۆتىك-قۇقىقتىق بازانى جاقسارتۋدى, مامانداردى وقىتۋدى, ساندىق تەحنولوگيالارعا ينۆەستيتسيالاردى جانە قازاقستاندىق تاراپپەن بىرلەسىپ ينفراقۇرىلىمدى دامىتۋدى كوزدەيتىن سالالاردى تسيفرلاندىرۋ بولىگىندە قولدا بار تاجىريبەنى قولدانۋعا دايىن ەكەندىگى تۋرالى حابارلادى.
دەنساۋلىق ساقتاۋ سالاسىنداعى تسيفرلاندىرۋدى تالقىلاۋ بارىسىندا سىرتقى ىستەر ءمينيسترىنىڭ ورىنباسارى الماس ايداروۆ ارىپتەستەرمەن ءوزارا ءىس-قيمىلدىڭ زەرتتەۋ قاجەتتىگىن اتاپ ءوتتى, ويتكەنى جوعارى بىلىكتى كادرلارمەن قاتار مەديتسينالىق مەكەمەلەردى دامىتۋ جانە جابدىقتاۋ قاجەت. سونداي-اق الماس ايداروۆ ينۆەستورمەن ءوزارا قارىم-قاتىناستى ودان ءارى دامىتۋ ماقساتىندا بىرقاتار ۇسىنىستار ەڭگىزدىپ, KAZAKH INVEST-كە قازاقستان رەسپۋبليكاسىنىڭ اۋماعىندا ينۆەستورعا قولداۋ كورسەتۋ جانە سەرۆيستىك سۇيەمەلدەۋ بويىنشا تاپسىرمالار بەرىلدى.
بارلىق ايتىلعان ۇسىنىستار مۇددەلى مەملەكەتتىك ورگانداردىڭ قاتىسۋىمەن جەكە جۇمىس توبى شەڭبەرىندە پاندىك زەردەلەنىپ, ونىڭ جۇمىس شەڭبەرىندە الەۋەتتى ءتيىمدى جوبالاردى انىقتاۋ ءۇشىن كەشەندى ءتاسىل قولدانىلاتىن بولادى.
