كوروناۆيرۋستىق ينفەكتسيانىڭ تارالۋى ءالى دە جالعاسۋدا, دەنساۋلىق ساقتاۋ مينيسترلىگى ەل ازاماتتارىن كارانتيندىك شارالاردى ساقتاۋعا شاقىردى.
ەلدەگى توتەنشە جاعداي رەجيمى الىنعانىنا قاراماستان, ۆيرۋستىڭ تارالۋ قاۋپى وتە جوعارى بولىپ وتىر.
اسكەري قىزمەتشىلەر كەيبىر قالالاردا كارانتيندىك شارالاردىڭ السىرەۋىنە قاراماستان, دەزينفەكتسيالاۋ جۇمىستارىن جۇرگىزۋدى جالعاستىرۋدا. سانيتارلىق-ەپيدەمياعا قارسى ءىس-شارالاردى قامتاماسىز ەتۋ بويىنشا جەرگىلىكتى اتقارۋشى ورگاندارعا كومەك كورسەتۋ ماقساتىندا شۇعىل تۇردە 16-عا جۋىق سانيتارلىق وڭدەۋ توبى قۇرىلدى, ال 2020 جىلدىڭ 25 مامىرىنان باستاپ اسكەردە ارنايى وڭدەۋ قۇراما جاساقتارىنىڭ بولىمدەرىنە ينفەكتسيامەن كۇرەستىڭ ەكىنشى كەزەڭى باستالعانى تۋرالى جاريالاندى.
اسكەري قىزمەتشىلەر العاش رەت بەتپە-بەت كەلگەن كوروناۆيرۋستىق ينفەكتسيامەن كۇرەس تاجىريبەسى وسى سالاداعى ماماندارمەن مۇقيات زەردەلەنىپ, تالداندى. اسكەري قىزمەتشىلەردىڭ كەيىنگى ءىس-ارەكەتتەرى بارىنشا كاسىبي بولادى, وسىلايشا جەرگىلىكتى اتقارۋشى ورگانداردان وڭدەۋگە تۇسكەن وتىنىمدەردىڭ ىشىنەن جاقىن ارادا جالپى اۋدانى 224060 م2 شامامەن 80 الەۋمەتتىك ماڭىزى بار نىسانداردى وڭدەۋ جوسپارلانۋدا, بۇل دەزينفەكتسيالىق توپتار ءۇشىن جوعارى كورسەتكىش بولىپ تابىلادى.
قالالاردا بۇرىن ەنگىزىلگەن بارلىق شەكتەۋلەر قاتاڭ باقىلاۋدا. جەكە قۇرام مەن ەلىمىزدىڭ ازاماتتارى دەنساۋلىعىنىڭ قاۋىپسىزدىگىن قامتاماسىز ەتۋ ماقساتىندا پروفيلاكتيكالىق جانە سانيتارلىق-ەپيدەمياعا قارسى ءىس-شارالار جۇرگىزىلىپ جاتىر. ءار نىساندى وڭدەۋ شارالارى مۇقيات ۇيىمداستىرىلعان.
