بەينە كونفەرەنتسيا فورماتىنداعى فورۋم بۇۇ باس حاتشىسى انتونيۋ گۋتەرريشتىڭ, كانادا پرەمەر-ءمينيسترى دجاستين تريۋدو مەن يامايكا پرەمەر-ءمينيسترى ەندريۋ حولنەسستىڭ باستاماسىمەن ءوتتى. اتالعان جيىن COVID-19 ىندەتىنىڭ سالدارىن جەڭىلدەتۋ جانە داعدارىستان كەيىنگى قايتا قالپىنا كەلتىرۋ جۇمىستارىنا حالىقارالىق ءىس-قيمىلداردى جۇمىلدىرۋعا ارنالدى.
تەڭىزگە شىعاتىن جولى جوق دامۋشى ەلدەر توبىنىڭ توراعاسى رەتىندە ءسوز سويلەگەن قاسىم-جومارت توقاەۆ الەمدىك قوعامداستىقتىڭ نازارىن ىندەتتىڭ سالدارىنا اۋدارا وتىرىپ: «پاندەميا بارلىق مەملەكەتتەردىڭ دامۋىنا قاۋىپ ءتوندىردى. اسىرەسە سىرتقى قارجىلاندىرۋى, ساۋدا جانە ينۆەستيتسياسى ازايعان تەڭىزگە شىعاتىن جولى جوق دامۋشى ەلدەرگە ونىڭ زاردابى كوبىرەك ءتيدى», – دەدى.
وسى ورايدا مەملەكەت باسشىسى دامۋشى ەلدەردىڭ سىرتقى قارىزداردى جانە «تسيفرلىق تەڭسىزدىكتى» جويۋ, تازا اۋىزسۋعا, جاسىل جانە زاماناۋي اگروتەحنولوگيالارعا قولجەتىمدىلىكتى قامتاماسىز ەتۋ پروبلەمالارىن شەشۋ ءۇشىن حالىقارالىق ءىس-ارەكەتتەردى جۇمىلدىرۋعا شاقىردى.
قاسىم-جومارت توقاەۆ قازاقستاننىڭ «بۇۇ-نىڭ گۋمانيتارلىق كومەك كورسەتۋدىڭ جاھاندىق جوسپارىن» ىسكە اسىرۋعا جانە كوروناۆيرۋسقا قارسى كۇرەس بارىسىندا بىرقاتار شەت مەملەكەتكە جاساعان گۋمانيتارلىق قولداۋىن ەرەكشە اتاپ ءوتتى. مەملەكەت باسشىسى ەلىمىزدىڭ جاھاندىق ازىق-ت ۇلىك قاۋىپسىزدىگىن قامتاماسىز ەتۋگە, قاقتىعىستاردى رەتتەۋگە جانە بەيبىتشىلىك ورناتۋعا بەيىلدى ەكەنىن ناقتىلادى.
فورۋمعا گەرمانيا, فرانتسيا, وڭتۇستىك افريكا رەسپۋبليكاسى, جاپونيا, يتاليا, ۇلىبريتانيا, پاكىستان, قىرعىزستان, بەلارۋس, ساۋد ارابياسى جانە باسقا دا مەملەكەتتەردىڭ كوشباسشىلارى, حالىقارالىق ۆاليۋتا قورى, ەكونوميكالىق ىنتىماقتاستىق جانە دامۋ ۇيىمى, دۇنيەجۇزىلىك بانك جەتەكشىلەرى, سونداي-اق, بىرقاتار حالىقارالىق قارجى ينستيتۋتىنىڭ باسشىلارى قاتىستى.
