- «قازپوچتا» اق-دان سالەمدەمەلەر الۋعا ەشقانداي شەكتەۋلەر جوق, اۋە جانە تەمىرجول تاسىمالدارىنىڭ بولماۋىنا بايلانىستى جەكەلەگەن ەلدەرمەن پوشتا بايلانىسى قول جەتىمدى ەمەس. «قازپوچتا» اق-عا سالەمدەمەلەردى جەتكىزۋ مەرزىمى اۆتوموبيل جولىمەن جۇزەگە اسىرىلعاندىقتان ارتتى, دەدى «قازپوچتا» اق باسقارما توراعاسى ساكەن سارسەنوۆ.
س. سارسەنوۆتىڭ ءتۇسىندىرۋى بويىنشا ەل ىشىندەگى سالەمدەمەلەردىڭ جەتكىزىلەتىن مەرزىمى 2-3 كۇن, سونىمەن قاتار, ول «قازپوشتا» تاراپىنان شەتەلدەن سالەمدەمەلەر الۋعا ەشقانداي شەكتەۋلەر جوق ەكەنىن دە اتاپ ءوتتى.
ء«بىز پاكەتتەردى كەز-كەلگەن جەردەن قورقىنىشسىز الا بەرەمىز, دەگەنمەن حالىقارالىق تارتىپتە بەلگىلەنگەن شەڭبەردە ساقتىق شارالارى قولدانىلادى, پاكەت ارقىلى ۆيرۋس جۇقتىرعان جاعدايلار بولعان جوق. بىراق بىرقاتار ەلدەرمەن اۋە جانە تەمىرجول بايلانىسىنىڭ توقتاتىلۋىنا بايلانىستى اتالعان ەلدەرگە سالەمدەمەلەر قابىلداۋ توقتاتىلدى», - دەدى ول.
پاندەميا ەلەكتروندىق ساۋدانىڭ ءباسىن ارتتىرىپ جىبەردى. ءبىزدىڭ ەلدە ونىڭ بازالىق جۇيەسى جاقسى دامىعان: 200-دەن استام ينتەرنەت-دۇكەنى, 70-تەن استام لوگيستيكالىق كومپانيا جۇمىس جاسايدى, ءتۇرلى تولەم قۇرالدارى دا بار.
سونداي-اق قازاقستاننان جانە باسقا دا الىس-جاقىن شەت ەلدەردەن سالەمدەمەلەردى قابىلداۋدى توقتاتقان ەلدەردىڭ ءتىزىمى «قازپوچتانىڭ» ۆەب-سايتقا ورنالاستىرىلعان.
ونىڭ ايتۋىنشا, بارلىق دەرلىك ەلدەر شەكارالارىن اشىپ, سالەمدەمەلەردى قابىلداپ جاتىر. ءتىپتى عالامتور ارقىلى دا تاپسىرىس بەرىپ, الدىرۋدىڭ دا مۇمكىندىگى بار. «قازپوشتا» باسشىسى شەتەلدەن كەلگەن سالەمدەمەلەر وڭدەلمەيتىنىن تىلگە تيەك ەتىپ ءوتتى. سەبەبى ولار بىرنەشە كۇن بويى جولدا جۇرەدى. ال ۆيرۋس تەك ءتىرى اعزامەن بايلانىسقاندا عانا تىرشىلىگىن جالعاستىرادى. بىراق سوعان قاراماستان قازاقستاننان قىتايعا جەتكەن سالەمدەمەلەر قايتا وڭدەلىپ, دەزيفەكتسيادان وتكىزىلەتىن كورىنەدى. قازىر قازاقستانعا جەتكىزىلەتىن سالەمدەمەلەردىڭ 60 پايىزى قىتايدان كەلەدى ەكەن. ءتىپتى قىتايدا شەت ەلدەن كەلگەن ۆاگونداردىڭ وزىنە دەزيفەكتسيا جاسالادى.
