ليساكوۆ قالاسىنىڭ اكىمى المات يسماعۇلوۆ نىسانداردى ارالاپ, مەردىگەرلەرمەن كەزدەستى. - جول قۇرىلىسىنا پايدالانىلاتىن ماتەريالدار زەرتحانادان وتكىزىلەدى. سەبەبى ءبىز قۇرىلىس جابدىقتارىنىڭ ساپاسىن ءبىلۋىمىز قاجەت. ەڭ باستىسى, ساپالى جول سالىنۋى كەرەك, - دەدى قالا اكىمى.
بيىل جۇزەگە اسىرىلىپ جاتقان 27 جوباعا 2,7 ملرد تەڭگە قارجى بولىنگەن. – جوندەۋ جۇمىستارىنا بارىنشا وتاندىق ءوندىرىس ماتەريالدارىن قولدانۋعا تىرىسامىز. ەكىنشىدەن, قالا تۇرعىندارى ءۇشىن جۇمىسپەن قامتۋ ورتالىعى ارقىلى 292 جۇمىس ورنىنىڭ اشىلۋىنا مۇمكىندىك بەردى, - دەدى قالا اكىمى. ا.يسماعۇلوۆتىڭ ايتۋىنشا, نىسانداردى جوندەۋ جوسپارىن قۇرۋ كەزىندە تۇرعىنداردىڭ اكىممەن كەزدەسۋ كەزىندە ايتىلعان ءوتىنىش-تىلەكتەرى دە ەسكەرىلگەن. شاعىن قالادا كەلەسى ايدىڭ اياعىنا دەيىن 200 مىڭ شارشى مەتر جولعا اسفالت توسەلمەك.
«راسىمەن دە, ءبىر جىل ىشىندە 27 نىساندى جوندەۋ دەگەن بۇرىن-سوڭدى بولعان ەمەس. جالپى بيىل «جۇمىسپەن قامتۋدىڭ جول كارتاسى» باعدارلاماسى بويىنشا بارلىق جەردە رەكوردتىق قارجىلاندىرۋ بار. ەندى جۇمىستى ساپالى, ۋاقتىلى ورىنداۋ مىندەتى تۇر», - دەدى اكىم.
قوستاناي وبلىسى
