وتىرىستا ەكى ماسەلە تالقىلاندى, اتاپ ايتقاندا, «قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ بارىسى جانە سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ قورىتىندىلارى بويىنشا ەنگىزىلگەن ۇسىنىمداردى ۋاكىلەتتى مەملەكەتتىك ورگانداردىڭ ورىنداۋ ناتيجەلەرى تۋرالى» جانە «سىبايلاس جەمقورلىققا قارسى مادەنيەتتى قالىپتاستىرۋ, ءبىلىم بەرۋ جانە تاربيەلەۋ ماسەلەلەرى».
جيىن بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ, ءبىلىم جانە عىلىم, قارجى, دەنساۋلىق ساقتاۋ, ادىلەت, مادەنيەت جانە سپورت مينيسترلىكتەرىنىڭ ءبىرىنشى باسشىلارىنىڭ باياندامالارى تىڭدالدى.
بيىل «2018-2020 جىلدارعا ارنالعان سىبايلاس جەمقورلىققا قارسى ستراتەگياسىن» ىسكە اسىرۋ كەزىندە ءىس-شارالار جوسپارىنىڭ 37 تارماعى ساپاسىز ورىندالعانى (مادەنيەت جانە سپورت مينيسترلىگى, ءبىلىم جانە عىلىم مينيسترلىگى), مەرزىمدەردىڭ بۇزىلۋى (اقپارات جانە قوعامدىق دامۋ مينيسترلىگى, ادىلەت مينيسترلىگى جانە جوعارعى سوت), سونداي-اق جوسپاردا قويىلعان مىندەتتەردى تۇپكىلىكتى ىسكە اسىرۋ كەزىندەگى وزگە دە كەمشىلىكتەر (قارجى مينيسترلىگى, دەنساۋلىق ساقتاۋ مينيسترلىگى) اتالىپ ءوتتى.
وتكەن جىلى سىبايلاس جەمقورلىققا قارسى قىزمەت ورتالىق دەڭگەيدە 10 سىبايلاس جەمقورلىق تاۋەكەلدەرىن, وڭىرلىك دەڭگەيدە - 226 سىبايلاس جەمقورلىق تاۋەكەلدەرىن سىرتقى تالداۋدان وتكىزدى. ولاردىڭ قورىتىندىسى بويىنشا سىبايلاس جەمقورلىق تاۋەكەلدەرىن جويۋ تۋرالى 2096 ۇسىنىس ەنگىزىلدى, سونىڭ شەڭبەرىندە 800-دەن استام ۇيىمداستىرۋ شارالارى قابىلداندى, 63 نورماتيۆتىك-قۇقىقتىق اكتىلەرگە وزگەرىستەر جاسالدى.
مىسالى, ەڭبەك جانە حالىقتى الەۋمەتتىك قورعاۋ مينيسترلىگى «ەڭبەك» مەملەكەتتىك باعدارلاماسى اياسىندا جۇمىسقا ورنالاسقان تۇلعالاردىڭ تولەۋ تەتىگىن وزگەرتتى.
«قازاۆتوجول» اق بارلىق وتكىزىلەتىن تەندەرلەرگە جۇرتشىلىق وكىلدەرىنىڭ مىندەتتى تۇردە قاتىسۋى جونىندەگى بولىگىندەگى ىشكى نورماتيۆتىك قۇجاتتارعا وزگەرىستەر ەنگىزدى, ال بارلىق مەملەكەتتىك قىزمەتتەر ەلەكتروندىق فورماتقا اۋىستىرىلدى.
ءبىلىم جانە عىلىم مينيسترلىگىنىڭ عىلىم كوميتەتى عىلىمي جوبالاردى قارجىلاندىرۋدى قاراۋ ءتارتىبىن قايتا پىسىقتادى, ۇلتتىق عىلىمي كەڭەستەردىڭ قۇرامىنىڭ ۇشتەن ءبىر بولىگى جاڭارتىلدى, وتىرىستاردى ونلاين ترانسلياتسيالاۋ جانە قويىلعان بالداردىڭ اشىق داۋىس بەرۋ ارقىلى قىزمەتتىڭ اشىقتىعى مەن وبەكتيۆتىلىگى قامتاماسىز ەتىلدى.
سونىمەن قاتار ۇسىنىمداردى ىسكە اسىرۋ كەزىندە پروبلەمالىق ماسەلەلەر بار. كوبىنەسە ول سىبايلاس جەمقورلىق تاۋەكەلدەرىن جويۋ ءبىر مەملەكەتتىك ورگاننىڭ وكىلەتتىگىنىڭ شەڭبەرىنەن شىعىپ, ونى شەشۋدىڭ ۇزاقتىعىن تۋىنداتاتىن فاكتىلەرگە قاتىستى.
مەملەكەتتىك ورگاندار, ۇيىمدار جانە كۆازيمەملەكەتتىك سەكتور سۋبەكتىلەرى تاراپىنان سىبايلاس جەمقورلىق تاۋەكەلدەرىن ىشكى تالداۋ ينستيتۋتىن پايدالانۋ كەزىندە بەلسەندى جۇمىستىڭ جوقتىعى ايتىلدى. ماسەلەن, سوڭعى 4 جىلدا مەملەكەتتىك ورگاندار مەن ۇيىمدار 10 مىڭنان استام وسىنداي تالداۋلار جۇرگىزدى, بۇل رەتتە تەك 175 جاعدايدا نەمەسە 2% تاۋەكەلدەردى جويۋ بويىنشا ۇسىنىمدار قالىپتاستى.
ادەتتە تالداۋلار قورىتىندىسى بويىنشا انىقتامالار ءفورمالدى تۇردە, كەزەكتى ۇسىنىمداردى شىعارۋ ارقىلى جاسالادى نەمەسە سىبايلاس جەمقورلىق تاۋەكەلدەرىنىڭ جوقتىعى مۇلدە ناقتىلانادى. بىرقاتار مەملەكەتتىك ورگاندار ء(تسداوم, مسم, ۇەم, ءسىم, دسم, ەاقم, يدم, اشم, قم) بۇل جۇمىستى 2016 جىلدان باستاپ جۇرگىزبەگەن.
سىبايلاس جەمقورلىققا قارسى مادەنيەتتى قالىپتاستىرۋ, ءبىلىم بەرۋ جانە تاربيەلەۋ ماسەلەلەرى جەكە ماسەلە رەتىندە قارالدى, ونىڭ ىشىندە جەكەلەگەن ەلەمەنتتەر سىبايلاس جەمقورلىققا قارسى جۇمىستاردىڭ ءبىر كەلكى ەمەستىگى اتاپ ءوتىلدى.
وسىعان بايلانىستى سىبايلاس جەمقورلىققا قارسى ءىس-قيمىل سالاسىنداعى قىزمەتتىڭ ۇيلەستىرۋشى ءرولىن پايدالانا وتىرىپ, ءبىلىم بەرۋ, اقپاراتتىق جانە ۇيىمداستىرۋشىلىق سيپاتتاعى شارالار كەشەنىن قابىلداۋ قاجەتتىلىگىنە نازار اۋدارىلدى.
سىبايلاس جەمقورلىققا قارسى مادەنيەتتى قالىپتاستىرۋ ماسەلەلەرىنىڭ ماڭىزدىلىعى مەن وزەكتىلىگىن ەسكەرە وتىرىپ, وعان باسىمدىق بەرىلۋى ءتيىس, ال قاجەتتى ءىس-شارالار الداعى كەزەڭگە ارنالعان سىبايلاس جەمقورلىققا قارسى ستراتەگيانى ىسكە اسىرۋ بويىنشا جوسپاردا كورىنىس تابۋى كەرەك.
وتىرىس قورىتىندىسى بويىنشا مەملەكەتتىك حاتشى قىرىمبەك كوشەرباەۆ سىبايلاس جەمقورلىققا قارسى ستراتەگيانى ءوز دەڭگەيىندە ىسكە اسىرۋدى ۇيىمداستىرۋ, سىبايلاس جەمقورلىق تاۋەكەلدەرىنە تالداۋ جۇرگىزۋ, سونداي-اق, مەملەكەت باسشىسىنىڭ تالاپتارى اياسىندا قوعامدا سىبايلاس جەمقورلىققا قارسى مادەنيەتتى قالىپتاستىرۋ جونىندە تاپسىرما بەردى.
