جينالىسقا قىزىلوردا وبلىسىنىڭ اكىمى گ.ن. ابدىقالىقوۆا, قازاقستان رەسپۋبليكاسى دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ, يندۋستريا جانە ينفراقۇرىلىمدىق دامۋ ۆيتسە-مينيسترلەرى, ىشكى ىستەر, اۋىل شارۋاشىلىعى مينيسترلىكتەرىنىڭ وكىلدەرى جانە «زەردە» حولدينگى», ازاماتتارعا ارنالعان ۇكىمەت, وبلىستىق اكىمدىكتىڭ قۇرىلىمدىق باسشىلارى قاتىستى.
جيىن بارىسىندا ايماقتاعى تسيفرلاندىرۋدىڭ بارىسى تۋرالى وبلىس اكىمى گ. ابدىقالىقوۆا ءسوز الىپ, «تسيفرلىق قازاقستان» باعدارلاماسى اياسىندا اتقارىلىپ جاتقان جوبارلارعا توقتالىپ, ونىڭ ىشىندە رەسپۋبليكا بويىنشا العاش بولىپ قىزىلوردادا جۇزەگە اسىرىلعان 112-بىرىڭعاي كەزەكشىلىك-ديسپەتچەرلىك قىزمەتىن اتاپ ءوتتى.
ونىمەن قوسا, دەنساۋلىق سالاسىندا كەشەندى مەديتسينالىق جۇيەمەن قاتار جەرگىلىكتى مەديتسينالىق ۇيىمداردا PACS جۇيەسىن ەنگىزۋ جۇمىستارى قولعا الىنعاندىعىن, ادامنىڭ دەنساۋلىعىنىڭ نەگىزگى كورسەتكىشتەرىن باقىلاۋعا ارنالعان قۇرىلعىلاردى ەنگىزۋ جوسپارلانعانىن اتاپ ءوتتى.
ودان ءارى ايماقتى تسيفرلاندىرۋدىڭ 11 باعىتى بويىنشا اتقارىلعان جۇمىستار مەن الداعى جوسپارلاردى وبلىس اكىمىنىڭ ورىنباسارى ن.ش. تىلەشەۆ باياندادى. اتاپ ايتقاندا, قالالىق كوممۋنالدىق قىزمەتتەردىڭ ساپاسىن ارتتىرۋ ماقساتىندا ەنگىزىلگەن 109-بىرىڭعاي بايلانىس ورتالىعىنىڭ قىزمەتى, قاۋىپسىزدىك سالاسىندا زياتكەرلىك جىلدامدىق ولشەۋىشتەرىن ورناتۋ جۇمىستارى, ەلەكتروندى بيلەتتەۋ جۇيەسىن ەنگىزۋ بارىسى ايتىلدى. جەرگىلىكتى اتقارۋشى ورگاندارمەن كورسەتىلەتىن قىزمەتتەردىڭ 105-ءى (61,7%) ەلەكتروندى فورماتتا, قالاداعى 300 كوپ قاباتتى ءۇي (38%) E-كسك قوسىمشاسىنا ەنگىزىلگەن. سونىمەن قاتار, اعىمداعى جىلدىڭ شىلدە ايىنان باستاپ كولىك سالاسىندا ەلەكتروندى بيلەتتەۋ, ديسپەتچەرلەۋ جۇيەلەرى جانە ايالدامالاردا اقپاراتتىق تابلو ىسكە قوسىلاتىن بولادى.
ءوز كەزەگىندە «زەردە» ۇلتتىق ينفوكومۋنيكاتسيالىق حولدينگى» اق باسشىسى ا.انيسيموۆ «اقىلدى قالا» ەتالونىنىڭ ستاندارتتارىنا سايكەس ءبىلىم, قاۋىپسىزدىك, كولىك, قالانى باسقارۋ جانە ت.ب. باعىتتارىن جۇزەگە اسىرۋعا حولدينگتىڭ ازىرلەگەن ۇسىنىستارىنا توقتالدى.
اتاپ ايتساق «اقىلدى قالا» ەتالون ستاندارتىنىڭ ءبىلىم باعىتى بويىنشا ايماقتا ءبىلىم بەرۋدىڭ بارلىق كەزەڭدەرىندە (مەكتەپكە دەيىنگى, ورتا, جوعارى) جۇيەلەردى ودان ءارى دامىتۋ جوسپارلارىن ازىرلەۋ, دەنساۋلىق ساقتاۋ باعىتى بويىنشا قالالىق دەڭگەيدەن تومەن ەلەكتروندىق دەنساۋلىق پاسپورتتارىن تولتىرۋدى قامتاماسىز ەتۋ, قاۋىپسىزدىك باعىتىندا جەدەل ارەكەتەتۋ ورتالىقتارىن مودەرنيزاتسيالاۋ, قوعامدىق جانە جول قاۋىپسىزدىگىن قامتۋدى كەڭەيتۋدى قامتاماسىز ەتىۋ جانە تۇرعىن ءۇي, الەۋمەتتىك سالا ۇسىنىستار.
جيىن سوڭىندا, ا.جۇماعاليەۆ ايماقتىڭ تسيفرلاندىرۋ بويىنشا جۇرگىزىلگەن جۇمىستارىنا وڭ باعا بەرىپ, ايماقتا ەلەكتروندىق مەملەكەتتىك قىزمەتتى الۋ بويىنشا حالىق اراسىندا ناسيحات جۇمىسىن جۇرگىزۋدى, باسقادا تسيفرلاندىرۋ سالالارىندا وتاندىق تسيفرلىق شەشىمدەردى پايدالانۋ جانە باسقادا بىرقاتار تاپسىرمالار بەردى.
