قازاقستان • 28 مامىر، 2020

تسيفرلاندىرۋ بارىسىن پىسىقتادى

38 رەت كورسەتىلدى

تسيفرلىق دامۋ، يننوۆاتسيالار اەروعارىش ونەركاسىبى ءمينيسترى ا.ق. جۇماعاليەۆ قازاقستان رەسپۋبليكاسى پرەزيدەنتى ق.ك.توقاەۆتىڭ تاپسىرماسىنا سايكەس بەينەكونفەرەنتسيا بايلانىسى ارقىلى الماتى وبلىسىنىڭ تسيفرلاردىرۋ بارىسى مەن «اقىلدى قالالار» ەتالون ستاندارتارىن دامىتۋ جانە جۇزەگە اسىرۋ بويىنشا ۇسىنىستاردى تالقىلاۋعا ارنالعان جينالىس وتكىزدى.

جينالىسقا الماتى وبلىسىنىڭ اكىمى ا.ع. باتالوۆ، قازاقستان رەسپۋبليكاسى دەنساۋلىق ساقتاۋ، ەڭبەك جانە حالىقتى الەۋمەتتىك قورعاۋ، يندۋستريا جانە ينفراقۇرىلىمدىق دامۋ ۆيتسە-مينيسترلەرى، ىشكى ىستەر، اۋىل شارۋاشىلىعى مينيسترلىكتەرىنىڭ وكىلدەرى جانە «زەردە» حولدينگى»، «ازاماتتارعا ارنالعان ۇكىمەت»، وبلىستىق اكىمدىكتىڭ قۇرىلىمدىق باسشىلارى قاتىستى.

جيىن بارىسىندا ايماقتاعى تسيفرلاندىرۋدىڭ بارىسى تۋرالى وبلىس اكىمى ا.باتالوۆ ءسوز الىپ، «تسيفرلىق قازاقستان» باعدارلاماسى اياسىندا اتقارىلىپ جاتقان جوبارلاردىڭ ناتيجەسىنە توقتالىپ، ونىڭ ىشىندە  تسيفرلاندىرۋدىڭ اياسىندا وبلىستىڭ شالعاي ايماتاعى رايىمبەك اۋدانىندا 4G بايلانىسىنىڭ ارقاسىندا توتەنشە جاعدادايدا كەزىندە ءبىلىم وشاقتارى، ءوز جۇمىستارىن قاشىقتان جۇرگىزگەن ايتىپ، مينيسترللىكە اتالعان جۇمىس ءۇشىن العىسىن ءبىلدىردى.

سودان سوڭ، كۇن تارتىبىندەگى ايماقتى تسيفرلاندىرۋ سالالارى باعىتتارىنىڭ مەملەكەتتىك قىزمەت، دەنساۋلىق، ءبىلىم، كولىك جانە ت،ب 2019 جىلعى ناتيەجەلەرى تۋرالى ەسەپتى الماتى وبلىسى اكىمىنىڭ ورىنباسارى    س.م. تۋرداليەۆ باياندادى.

اتاپ ايتساق، ايماقتا «اقىلدى قالا» ەتالونىنىڭ قاۋىپسىزدىك باعىتى اياسىندا تالدىقورعان قالاسىندا 871 ينتەللەكتۋالدى بەينەكامەرالار ورناتىلعان. 170 – مەملەكەتتىك قىزمەتتىڭ، 141 – اۆتوماتتاندىرىلعان. اعىمداعى جىلدىڭ ماۋسىم ايىندا تسيفرلاندىرۋ اياسىندا قوعامدىق كولىك سالاسىندا «ە-بيلەت»،  تۇرعىن ءۇي-كوممۋنالدىق شارۋاشىلىق سالاسىندا «ە-كسك» جوبالارىن ىسكە اسىرۋ جوسپارلانعان.

ءوز كەزەگىندە «زەردە» ۇلتتىق ينفوكومۋنيكاتسيالىق حولدينگى» اق باسشىسى ا.انيسيموۆ «اقىلدى قالا» ەتالونىنىڭ ورتاق ستاندارتتارى ءبىلىم، قاۋىپسىزدىك، كولىك، قالانى باسقارۋ جانە ت.ب باعىتتارىن جۇزەگە اسىرۋعا حولدينگتىڭ ازىرلەگەن ۇسىنىستارىنا توقتالدى.

جيىن سوڭىندا، ا.جۇماعاليەۆ ايماقتىڭ تسيفرلاندىرۋ بويىنشا جۇرگىزىلگەن جۇمىستارىنا وڭ باعا بەرىپ، ايماقتا ەلەكتروندىق مەملەكەتتىك قىزمەتتى الۋ بويىنشا حالىق اراسىندا ناسيحات جۇمىسىن جۇرگىزۋدى، وتاندىق تسيفرلىق شەشىمدەردى پايدانلانۋ تۋرالى جانە باسقادا تسيفرلاندىرۋ باعىتتارى بويىنشا بىرقاتار تاپسىرمالار بەردى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار