ۆيرتۋالدى كونسۋلتانت مينيسترلىكتىڭ سايتىندا, ەلەكتروندىق ەڭبەك بيرجاسىندا, سونداي-اق @enbek_bot مەكەنجايى بويىنشا Telegram-بوتتا جانە ەلەكتروندىق ەڭبەك بيرجاسىنىڭ Facebook-تاعى پاراقشاسىندا قولجەتىمدى.
«مينيسترلىكتەن كەرى بايلانىس ۇيىمداستىرۋ ماقساتىندا ءبىز call-ورتالىق نەمەسە الەۋمەتتىك جەلىلەر سياقتى ءداستۇرلى ادىستەرمەن عانا ەمەس, ودان ءارى, جاساندى ينتەللەكتكە قاراي ءجۇرۋدى شەشتىك جانە ۆيرتۋالدى كەڭەسشىنى قۇردىق. ول 24/7 رەجيمىندە سىزبەن الەۋمەتتىك-ەڭبەك سالاسىنداعى قىزمەتتەر تۋرالى اقپاراتپەن بولىسۋگە دايىن. ساپالى كەڭەس بەرۋ ءۇشىن ونىڭ ءبىلىم بەرۋ قورىن تولىقتىرعان ماڭىزدى ەكەندىگى تۇسىنىكتى. ءبىز مۇنداي جۇمىستى جۇيەلى تۇردە جۇرگىزەمىز, سونداي-اق بۇرىن قويىلعان سۇراقتار مەن ازاماتتارمەن اراداعى ديالوگ نەگىزىندە ءوزىن-ءوزى وقىتۋعا مۇمكىندىك بەرگىمىز كەلەدى», – دەدى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ.
Ai.Dana-عا حابارلاسۋ ءۇشىن ەڭبەك مينيسترلىگىنىڭ سايتىندا بەتتىڭ تومەنگى وڭ جاق بۇرىشىنداعى كونسۋلتانت باتىرماسىنا باسقان جەتكىلىكتى. وسىلايشا, ءسىز مينيسترلىكتىڭ قىزمەتتەرىن الۋعا قاتىستى كەڭ تارالعان سۇراقتارعا جاۋاپ الا الاسىز. مىسالى, مازىردەن «جۇمىسپەن قامتۋ» ءبولىمىن تاڭداپ, ادامدارعا جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋعا جولداما بەرۋ; جۇمىس ىزدەگەن ادامداردى تىركەۋ; جۇمىس ىزدەگەن ادامداردى جۇمىسسىز رەتىندە تىركەۋ سياقتى قىزمەتتەر بويىنشا كەڭەس الۋعا بولادى.
ۆيرتۋالدى كونسۋلتانتتى ازىرلەۋ ءۇشىن بارىنشا تۇسىنىكتى تىلدە سۇراقتار قابىلداۋعا مۇمكىندىك بەرەتىن نەيروندىق جەلىلەر ارقىلى تالداۋدىڭ وزىق تەحنولوگياسى قولدانىلدى.
