ايماقتار • 28 مامىر، 2020

شىمكەنتتەگى كاسىپورىندار سانيتارلىق تالاپتاردى قاتاڭ ساقتاي وتىرىپ، ىسكە قوسىلادى

22 رەت كورسەتىلدى

شىمكەنت قالاسىنىڭ باس سانيتار دارىگەرى ءابدىماناپ تولەباەۆ 28-مامىردان باستاپ جۇمىسىن باستاۋعا رۇقسات بەرىلگەن ورىنداردى مالىمدەدى.

- قالادا ىندەتتىڭ تارالۋى ءالى تومەندەگەن جوق. كەرىسىنشە، كۇن سايىن جوعارىلاپ كەلەدى. سوندىقتان دا سانيتارلىق تالاپتار قاتاڭ باقىلاۋدا بولادى، - دەيدى دارىگەر.

تاماقتانۋ ورىندارىنا ءوز جۇمىسىن باستاۋعا رۇقسات بەرىلدى. دەگەنمەن قاتاڭ تالاپتى ورىنداسا عانا. ءدامحانالار تاڭعى 10:00 مەن 18:00 ارالىعىندا جۇمىس ىستەيدى.

تاماقتانۋشىلار اراسىندا اراقاشىقتىق ساقتالۋى كەرەك. ەسىك الدىندا ارنايى قىزمەتكەر كەلۋشىلەردىڭ قىزۋىن ولشەپ، قال-جاعدايىنا زەر سالۋى ءتيىس.

سونىمەن قاتار تاماقتان ءبىر رەتتىك ىدىستارمەن نەمەسە كوپ رەتتىك ىدىستار زالالسىزداندىرىلىپ وتىرۋى ءتيىس. ال، جۇمىسشىلار مىندەتتى تۇردە بەتپەردە مەن ءبىر رەتتىك قولعاپتارمەن قامتاماسىز ەتىلۋى كەرەك.

جازعى الاڭدار مەن سپورت الاڭدارى جانە بازارلاردا وسى سىندى تالاپتاردى ورىنداي وتىرىپ، ءوز جۇمىستارىن باستاۋعا رۇقسات بەرىلدى.

ايتا كەتەيىك، شىمكەنت قالاسىندا 2020 جىلدىڭ 27 مامىرداعى جاعداي بويىنشا، COVID-19 ينفەكتسياسىمەن 732 جاعداي تىركەلدى. سىرقاتتانۋشىلىق كورسەتكىشى 100 مىڭ تۇرعىنعا شاققاندا 69،4 قۇراپ وتىر. 732 جاعدايدىڭ 22-ءى سىرتتان كەلىپ تىركەلگەن (13-ءى حالىقارالىق جۇك تاسىمالىنىڭ جۇرگىزۋشىسى، 1 جولاۋشى پولشادان ۇشىپ كەلگەن، 8-ءى رەسەي فەدەراتسياسىنان كەلگەن، ونىڭ ىشىندە 7-ءى ادام جۇمىس ىستەپ جۇرگەندەر جانە 1 ستۋدەنت)، 286-ى – جەرگىلىكتى تۇرعىندار، 424-ءى قارىم-قاتىناستا بولعاندار.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار