باسقارۋشى كوميتەت باعدارلاما قاتىسۋشىلارىن ىرىكتەۋ ناتيجەلەرىن قاراستىردى, سونداي-اق وزگەرىستەر مەنەدجەرلەرى كومانداسىنىڭ قۇرامى بەكىتىلدى, ولار مەملەكەت ساياساتىنىڭ 11 سالاسىندا: ءبىلىم بەرۋ, گەولوگيالىق بارلاۋ, ساۋدا جانە لوگيستيكا, ونەركاسىپ, ونىڭ ىشىندە جاڭا يندۋستريا, قۇرىلىس, وڭىرلىك دامۋ, دەنساۋلىق ساقتاۋ, مەديا, اۋىل شارۋاشىلىعى, تۋريزم جانە سۋ رەسۋرستارى سالالارىندا 43 ناقتى مىندەتتى شەشۋدى قامتاماسىز ەتۋى ءتيىس.
باعدارلاماعا قاتىسۋ ءۇشىن 2958 قازاقستاندىق ءوتىنىم بەرگەن, ونىڭ ىشىندە 1345 ۇمىتكەر ىرىكتەۋدىڭ ەكىنشى كەزەڭىنە جىبەرىلىپ, تەستىلەۋدەن ءوتتى. ونىڭ ناتيجەسى بويىنشا 662 ۇمىتكەر ءۇشىنشى كەزەڭ – قۇزىرەتتەرى بويىنشا سۇحبات الۋ كەزەڭىنە ءوتتى. قورىتىندىسى بويىنشا باعدارلاماعا الۋ ءۇشىن 230 قاتىسۋشى ۇسىنىلدى.
باعدارلاماعا ىرىكتەلگەن قاتىسۋشىلاردىڭ جارتىسىنان استامىنىڭ حالىقارالىق ءبىلىمى بار, ۇشتەن ءبىرى حالىقارالىق كومپانيالاردا تاجىريبە جيناقتاعان, ورتاشا جاسى – 35 جاس. قازىرگى كەزدە وزگەرىستەر مەنەدجەرلەرىنىڭ 70%-ى – جەكە سەكتوردا, 30%-ى – مەملەكەتتىك جانە كۆازيمەملەكەتتىك ۇيىمداردا جۇمىس ىستەيدى.
باعدارلاما قاتىسۋشىلارى سالالىق مىندەتتەردى شەشە وتىرىپ, ەلىمىزدىڭ دامۋىنا ءوز ۇلەسىن قوسۋمەن قاتار, سالالىق ءارى كوشباسشىلىق بىلىكتىلىكتەرىن شىڭداۋعا مۇمكىندىك الادى. ول ءۇشىن قاتىسۋشىلاردىڭ ترەنينگتىك جانە كوۋچينگتىك باعدارلامالاردان ءوتۋى قاراستىرىلىپ جاتىر.
سالالىق مىندەتتەردى شەشۋ كەزىندە وزگەرىستەر مەنەدجەرلەرى كەڭەس جانە كونسۋلتاتسيا الۋ ءۇشىن مەملەكەتتىك جانە جەكەمەنشىك سەكتوردان ارنايى تاڭدالعان 40-تان استام مەنتورعا جۇگىنە الادى.
وزگەرىستەردى باسقارۋ بويىنشا سالالىق مەنەدجەرلەردى دايىنداۋ باعدارلاماسىنا قاتىسۋشىلاردى ىرىكتەۋ بيىلعى 15 اقپاندا باستالدى. باعدارلاماعا تۇڭعىش پرەزيدەنت – ەلباسى قورى باستاماشى بولدى, ول ۇكىمەتتىڭ جوبالىق كەڭسەسىمەن بىرلەسىپ جۇزەگە اسىرىلىپ جاتىر.
