وسى جىلدىڭ اقپانىندا ىشىمدىك ىشكەن كۇيىندە ول تاعى دا رولگە وتىرىپ, كولىكتى باسقارا الماي جول جيەگىنە ءتۇسىپ كەتكەن. ماس كۇيىندە رولگە وتىرۋدىڭ ءوزى – قوعامعا قاۋىپتى ەكەندىگى ەسكەرىلىپ, وسى قۇقىق بۇزۋشىلىعى ءۇشىن ەر ادام ۇستالىپ, اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى. ونىڭ بۇرىن دا جول ەرەجەسىن بىرنەشە رەت بۇزعانى ءۇشىن اكىمشىلىك جانە قىلمىستىق جاۋاپكەرشىلىككە تارتىلعانىن ەسكەرە وتىرىپ, سوت ونى جۋىردا ءبىر جىلعا باس بوستاندىعىنان ايىرۋعا ۇكىم شىعاردى.
وبلىستىق پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى ەڭبەك سەمبيننىڭ ايتۋىنا قاراعاندا ۇستىمىزدەگى جىلدىڭ قاڭتار ايىندا ماس كۇيىندە كولىك جۇرگىزگەن جۇرگىزۋشىلەردىڭ جاۋاپكەرشىلىگىن قاتايتقان زاڭناما قابىلدانعاندا مۇنداي بۇزۋشىلىقتار ءبىرشاما ازايعان. بىراق زاڭدا ەلەگىسى كەلمەيتىندەر ءالى دە كەزدەسىپ قالادى. سونىڭ ءبىرى وسى, اتا جاسىنان اسىپ كەتكەن مامليۋتكا قالاسىنىڭ تۇرعىنى. جالپى, جىل باسىنان بەرى وبلىستا ماس كۇيىندە كولىك جۇرگىزۋگە قاتىستى 31 قىلمىس تىركەلگەن.
سولتۇستىك قازاقستان وبلىسى
