قوعام • 28 مامىر، 2020

تۋريزم سالاسى قالىپقا كەلە باستادى

30 رەت كورسەتىلدى

بيىلعى تۋريزم سالاسىنىڭ توقىراۋىنا سەبەپ بولعان COVID-19 پاندەمياسىنىڭ سالقىنى ءبىزدى دە اينالىپ وتكەن جوق. قويىلعان شەكتەۋلەردىڭ سالدارىنان سىرتتان كەلەتىن تۋريستەر اعىنى 70-80%-عا كەمىگەن. بۇل تۋرالى كەشە پرەزيدەنت جانىنداعى ورتالىق كوممۋنيكاتسيالار قىزمەتى الاڭىندا وتكەن جيىندا  مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسپەكوۆ مالىمدەدى.

ونىڭ ايتۋىنشا، توتەنشە جاعداي كەزىندە ۇكىمەت تۋريزم سالاسىنداعى سۋبەكتىلەردى مەملەكەتتىك قولداۋ بويىنشا بىرقاتار شۇعىل شارالار ازىرلەدى. ونىڭ ىشىندە تۋريزم، قوعامدىق تاماقتانۋ جانە قوناق ءۇي قىزمەتى سالاسىندا كاسىپكەرلىك قىزمەتتى جۇزەگە اسىراتىن زاڭدى تۇلعالار مەن جەكە كاسىپكەرلەر م ۇلىك سالىعىنان بوساتىلدى. سونىمەن قاتار، اعىمداعى جىلدىڭ 1 ساۋىرىنەن 1 قازانىنا دەيىن تۋريستىك قىزمەتتەگى ءىرى كاسىپكەرلىك سۋبەكتىلەر ءۇشىن ەڭبەكاقى تولەۋ قورىنان سالىق جانە باسقا دا تولەمدەردى ەسەپتەۋ مەن تولەۋ جويىلدى. شاعىن جانە ورتا كاسىپكەرلىك سۋبەكتىلەرىنە 90 كۇنتىزبەلىك كۇنگە دەيىنگى مەرزىمگە سىياقى، ايىپپۇل جانە ءوسىمپۇل ەسەپتەۋ بولىگىندە جەڭىلدىكتەر ەنگىزىلدى، سونداي-اق بانكتىك قارىز شارتتارى بويىنشا تولەمدەر مەرزىمى ۇزارتىلدى.

̶ توتەنشە جاعداي اياقتالعانىمەن كارانتين رەجىمى وزگەرگەن جوق. دەسە دە، بىرتىندەپ كوپتەگەن سالالار قالىپقا كەلە باستادى. ونىڭ ىشىندە تۋريزم سالاسى دا بار. وڭىرلەر اراسىندا اۋە جانە تەمىر جول قاتىناسى ءبىر ىزگە ءتۇسىپ كەلەدى. بۇل سالانىڭ ءالى دە تولىق جاندانۋىنا بىرقاتار كەلەرگىلەر تۋىنداپ وتىر. ونىڭ ىشىندە بلوك-بەكەتتەردى الۋ ماسەلەسىن ەرەكشە اتاپ وتۋگە بولادى. بۇل ماسەلە جاقىن ارادا وڭ شەشىم تابادى دەگەن سەنىمدەمىز، ̶  دەدى د. رىسپەكوۆ. ونىڭ ايتۋىنشا، باس سانيتارلىق دارىگەردىڭ №37 قاۋلىسىنا سايكەس ەڭبەك ۇجىمىندا ەپيدەمياعا قارسى رەجىمنىڭ الگوريتمدەرىن ساقتاي وتىرىپ، تۋروپەراتورلار مەن تۋراگەنتتىكتەردىڭ قىزمەتىنە رۇقسات بەرىلگەن.

سونىمەن قاتار، 1 ماۋسىمعا قاراي شيپاجايلىق-كۋرورتتىق مەكەمەلەر، دەمالىس ۇيلەرى جانە تۋريستىك بازالار سياقتى تۋريستىك قىزمەتتىڭ باسقا دا وبەكتىلەرىنىڭ جۇمىس الگوريتمى بەكىتىلەدى. بۇل رەتتە باسسەين، جاعاجاي جانە ويىن-ساۋىق ايماقتارىنىڭ جۇمىسىنا قويىلاتىن تالاپتار دا كۇشەيتىلمەك. ايتا كەتەرلىگى، تۋريستەردىڭ دەمالىس ورىندارىنىڭ جۇمىسىنا قاتىستى بارلىق شەشىمدەردى جەرگىلىكتى اتقارۋشى ورگاندار مەن وڭىردەگى باس سانيتارلىق دارىگەرلەر بىرلەسىپ قابىلدايدى.

̶ بىلتىرعى جىل قورىتىندىسى بويىنشا شەتەلدىك تۋريستەردىڭ ورنالاسۋ كورسەتكىشى 18% -عا ءوسىپ، 980 مىڭ ادامدى قۇراسا، جەرگىلىكتى تۋريستەر سانى 12% - عا ارتىپ، جالپى 5،3 ملن ادامدى قۇرادى، ̶ دەيدى د. رىسپەكوۆ. ونىڭ ايتۋىنشا، مەملەكەتتىك باعدارلامالار جوسپارلى مەجەدە ورىندالعان جاعدايدا الداعى 5 جىلدا شەتەلدىك تۋريستەر اعىنىن 3 ملن ادامعا، وتاندىق تۋريستەردى 8 ملن-عا جەتكىزۋ جوسپارلانىپ وتىر.

COVID-19 پاندەمياسى جاپپاي تاراعاننان كەيىن شەتەلدە دامالۋشىلاردىڭ الدىن الا بروندالعان جولدامالارىن كەرى قايتارۋعا تۋرا كەلدى. تۋريزم يندۋسترياسى كوميتەتىنىڭ توراعاسى بۇگىنگى كۇنى توقتاتىلعان ساپارلاردىڭ قاراجاتىن قايتارۋ ماسەلەسى ءالى دە وزەكتى ەكەنىن ايتادى.

̶  شەتەلدىك تۋريستىك پاكەتتەردى ساتىپ العان وتاندىق ساياحاتشىلار ساپاردان باس تارتقان جاعدايدا حالىقارالىق تولەم جۇيەسى بولعاننان كەيىن قاراجاتتى قايتارۋعا ۇزاق ۋاقىت كەتەدى. ءتىپتى، اقشالارىن قايتارىپ الماۋلارى دا مۇمكىن. ەكىنشى ماسەلە، قاراجاتتى قايتارۋ نەمەسە تالاپ ارىز بەرۋ بويىنشا ءبىر مەزگىلدە وتىنىشتەر سانى كوپ بولعان جاعدايدا، تۋريستىك كومپانيالاردىڭ جۇمىسى توقتاپ، بانكروتقا ۇشىراۋىنا اكەپ سوعۋى مۇمكىن، ̶  دەيدى د. رىسپەكوۆ.

جيىندا بەلگىلى بولعانداي، ەلىمىزدە تۋريستىك ايماقتاردى قاجەتتى ينجەنەرلىك، كوممۋنيكاتسيالىق جانە كولىكتىك ينفراقۇرىلىممەن قامتاماسىز ەتۋ ءۇشىن جەرگىلىكتى وبلىس اكىمدىكتەرىمەن بىرلەسىپ رەسپۋبليكالىق بيۋدجەتتەن جالپى سوماسى 51،5 ملرد تەڭگەگە 44 جوبانى ىسكە اسىرۋ كوزدەلمەك.

جىل ورتاسىندا ورتالىق ازياداعى ەڭ ۇلكەن 500 ءنومىرلى كۋرورتتىق تيپتەگى قوناق ءۇي كەشەنى پايدالانۋعا بەرىلەدى دەپ جوسپارلانعان. وندا كولەمدى باسسەيندەر، زاماناۋي اكۆاپاركتەر ورنالاسادى. ينۆەستيتسيا كولەمى 60 ملرد تەڭگەنى قۇرايدى.

سونىمەن قاتار، بيىلعى جازعى دەمالىستا بالالار مەن جاسوسپىرىمدەرگە ارناپ نۇر-سۇلتان قالاسىندا بولاشاق ەنەرگياسى مۇراجايىندا، الماتى قالاسىنداعى ۇلتتىق پاركتە، تۇركىستان مەن تارازدىڭ تاريحي-مادەني كەشەندەرىندە، سونداي-اق جيدەبايدا ساباقتار وتكىزۋ جوسپارلانىپ وتىر.

سوڭعى جاڭالىقتار

پنەۆمونيانى قالاي انىقتايمىز؟

كوروناۆيرۋس • بۇگىن، 08:17

اقىل-پاراساتقا جۇگىنەيىك

رۋحانيات • بۇگىن، 07:54

بۇل – مىلتىقسىز مايدان

پىكىر • بۇگىن، 07:51

كاسىبىنە ادال ازامات

ساياسات • بۇگىن، 07:34

جۇمىس بەرۋشىنىڭ كىناسى كوپ

قوعام • بۇگىن، 07:30

تىل ارداگەرلەرى وزگەرىس كۇتەدى

رۋحانيات • بۇگىن، 07:26

ءار ازاماتتىڭ ءومىرى قىمبات

پىكىر • بۇگىن، 07:25

تەرمە تەرەڭدىككە باۋليدى

رۋحانيات • بۇگىن، 07:23

GGG جوسپاردا جوق

كاسىپقوي بوكس • بۇگىن، 07:15

ءار قازاق – قازاقستان قازىناسى!

رۋحانيات • بۇگىن، 07:15

ىشكى تۋريزمگە يەك ارتاتىن كەز

تۋريزم • بۇگىن، 07:10

ۇزدىك اتاندى

وقيعا • بۇگىن، 07:08

ەڭسەنى تۇسىرمەيىك

پىكىر • بۇگىن، 07:03

باقىتتى كۇندەر كۇتسىنشى...

پىكىر • بۇگىن، 07:02

سىر قامىسىنا سىرتتان سۇرانىس بار

ەكونوميكا • بۇگىن، 07:00

كىم قانشا تابىس تاپتى؟

سپورت • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

بۇل سىناقتى دا ەڭسەرەمىز

پرەزيدەنت • بۇگىن، 06:36

الاش ازا تۇتقان كۇن

ساياسات • بۇگىن، 06:35

جانقيارلىق ەڭبەككە قۇرمەت

ساياسات • بۇگىن، 06:29

NASA مارسكا قامداندى

تەحنولوگيا • كەشە

ۇقساس جاڭالىقتار