سوڭعى تاۋلىكتەردىڭ بىرىندە پەتروپاۆل قالالىق پوليتسيا باسقارماسىنىڭ بولىنىستەرى 23 ساعاتتان كەيىن تىنىشتىقتى بۇزۋ فاكتىسى بويىنشا 8 شاقىرتۋدى تىركەدى. پوليتسيا قىزمەتكەرلەرى بارلىق بۇزۋشىلىقتاردى قاساقانا بۇزعان دەپ ساناۋعا بولمايتىنىن ايتادى. وسىنداي جاعدايلاردىڭ ءبىرى شامامەن تۇنگى ساعات 1-لەردە استانا كوشەسىندەگى ۇيدە بولعان. 30 جاستاعى ازامات بالكوندا تۇرىپ دوسىمەن سويلەسكەن. ولاردىڭ سويلەسكەن داۋسىنان ويانعان كورشىسى پوليتسيا شاقىراتىنىن ايتىپ, ەسكەرتۋ جاساعان. تىنىشتىق بۇزعان ازامات كورشىسىنەن كەشىرىم سۇراپ, جانجال سونىمەن دوعارىلىپتى.
كامەلەتكە تولعان قىزىنىڭ تۋعان كۇنىن اتاپ ءوتىپ جاتقان جەر ءۇيدىڭ تۇرعىندارى دا مۋزىكانىڭ داۋىسىن قاتتى شىعارعاندارىن مويىنداپ, وزدەرىنىڭ كىناسىن تۇسىنگەن. كورشىلەرى بالاسىن ۇيىقتاتا الماعان سوڭ, تۇنگى 23-تەن كەيىن پوليتسياعا حابارلاسقان. ت.مۇحامەد-راحيموۆ كوشەسىندەگى كورشىلەردىڭ كوپتەگەن شاعىمدارى بويىنشا كەلگەن پوليتسەيلەر مۇلدەم باسقا كورىنىسكە تاپ بولادى. پاتەردىڭ سىنعان تەرەزەسى ماس جانجالقويدىڭ ءىس-ارەكەتىنىڭ ناتيجەسى ەكەنىن بىردەن كورسەتكەن. قۇقىق بۇزۋشى ءۇي يەسىمەن ۋاقىتشا تۇرىپ جاتقان ونىڭ تۋىسى بولىپ شىقتى. «پاتەردى جالعا الۋشىلار مەن وتباسىندا جانجال شىعارۋشىلار تىنىشتىقتى كوپ بۇزادى. ولار اينالاسىنداعى ادامداردىڭ تىنىشتىعى تۋرالى ويلامايدى. مۇندايدا پاتەر بيۋرولارىنىڭ اكىمشىلەرىمەن جانە جالعا بەرىلەتىن ۇيلەردىڭ يەلەرىمەن ءتۇسىندىرۋ جۇمىسى جۇرگىزىلەدى, شارت جاساعان كەزدە ولار كليەنتتەرگە تىنىشتىق رەجىمىن ساقتاۋ كەرەكتىگى تۇسىندىرەدى», دەيدى پوليتسيا دەپارتامەنتى باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.
پەتروپاۆل
