ءاۋتيزمى بار بالالاردى الەۋمەتتەندىرۋ مەن بەيىمدەۋگە ارنالعان «وردا» ورتالىعى 2017 جىلدان بەرى جۇمىس ىستەيدى. مۇندا بتسپ, اۋتيزم, داۋن سيندرومى بار بالالار ەمدەلەدى. ورتالىققا كارانتين كەزىندە جاڭا جۇمىس رەجيمىنە كوشۋگە تۋرا كەلدى.
«قازىرگى ۋاقىتتا ورتالىقتا تەك كەزەكشى توپ جۇمىس ىستەيدى. مۇندا نەگىزىنەن ءوزىمىزدىڭ الەۋمەتتىك قىزمەتكەرلەرىمىزدىڭ بالالارى بار, ويتكەنى قىزمەتكەرلەردىڭ 90%-ى ەرەكشە بالالاردىڭ انالارى. ءبىز ولاردىڭ ۇيدە جۇمىس ىستەۋى ءۇشىن, قامقورلىعىنداعى جاندارعا بارۋىنا مۇمكىندىك بەرۋ ءۇشىن وزىمىزگە وسىنداي جۇكتەمە الدىق. الەۋمەتتىك قىزمەتكەرلەردىڭ ۇلدارى مەن قىزدارى دا كەزەكشى توپتاردا جۇمىس ىستەيدى», – دەيدى «وردا» ورتالىعىنىڭ جەتەكشىسى سالتانات ەسماعانبەتوۆا.
ورتالىقتا بارلىق تازالىق نورمالارى قاتاڭ ساقتالادى. ءار 40 مينۋت سايىن وڭدەۋ-تازالاۋ جۇمىستارى جۇرەدى. كىرەبەرىستە سانيتارلىق توسەنىش قويىلعان, بالالار بەتپەرمەن كەلەدى.
«ورتالىقتا ءبىز ولارعا جاڭا بەتپەردە بەرەمىز, وڭدەۋ جاسالادى. قولدى دەزينفەكتسيالاپ, تەمپەراتۋرانى دا ولشەيمىز», – دەپ اتاپ ءوتتى س.ەسماعانبەتوۆا.
جالپى وزگە دە جۇمىستارعا وزگەرىس ەنگەن جوق. «نەگىزگى ماقسات – كۇتىم جانە قامقورلىق جاساۋ. سونداي-اق بىزگە پسيحولوگ, سپورتتىق نۇسقاۋشى, لوگوپەد-دەفەكتولوگ سەكىلدى ماماندار كەلەدى. تاربيەشىلەر بەينەلەۋ ونەرى ساباقتارىن وتكىزىپ, بالالاردى سەرۋەنگە شىعارادى», – دەيدى «بالام-اي» قوعامدىق قورى ورتالىعىنىڭ ورتا جانە كىشى توبى مەڭگەرۋشىسى زايرا ايتباەۆا.
«ورتالىققا كەلىپ جۇرگەنىمىزگە ءۇش جىل بولدى. ۇلىم ءوزىن وتە جايلى سەزىنەدى. ول وزىنە ۇنامايتىن جەرلەردە جۇرگىسى كەلمەيدى. ال, مۇندا وعان جايلى, قۋانىشپەن كەلەدى. بالاباقشاعا بارايىق دەپ تاڭمەن ەرتە تۇرادى», – دەيدى ەرەكشە بالانىڭ اكەسى الىبەك يبراگيموۆ.
قازىرگى ۋاقىتتا ەل استاناسىندا 2 996 ۇكىمەتتىك ەمەس ۇيىم جۇمىس ىستەيدى. بۇل رەسپۋبليكا بويىنشا 13,4%-دى قۇرايدى. سونىمەن قاتار ۇكىمەتتىك ەمەس ۇيىمداردى قولداۋ ءۇشىن ازاماتتىق باستامالار ورتالىعى اشىلعان. قالادا جاستار مەن بالالاردىڭ باستاماسىن قولداۋعا ارنالعان – 34, جەتىم بالالارعا كومەك كورسەتۋ ءۇشىن – 9, الەۋمەتتىك جاعدايى ناشار توپقا – 62 ۇكىمەتتىك ەمەس ۇيىم قىزمەت ەتەدى.
